1.1PTS 3.344“Vibbhantacitto kupitindriyosi,1.2Nettehi te vārigaṇā savanti;1.3Kiṁ te naṭṭhaṁ kiṁ pana patthayāno,1.4Idhāgamā brahme tadiṅgha brūhi”.

2.1PTS 3.345“Miyyetha bhariyā vajato mamajja,2.2Agacchato maraṇamāha yakkho;2.3Etena dukkhena pavedhitosmi,2.4Akkhāhi me senaka etamatthaṁ”.

3.1PTS 3.346“Bahūni ṭhānāni vicintayitvā,3.2Yamettha vakkhāmi tadeva saccaṁ;3.3Maññāmi te brāhmaṇa sattubhastaṁ,3.4Ajānato kaṇhasappo paviṭṭho.

4.1PTS 3.347Ādāya daṇḍaṁ parisumbha bhastaṁ,4.2Passeḷamūgaṁ uragaṁ dujivhaṁ;4.3Chindajja kaṅkhaṁ vicikicchitāni,4.4Bhujaṅgamaṁ passa pamuñca bhastaṁ”.

5.1PTS 3.348Saṁviggarūpo parisāya majjhe,5.2So brāhmaṇo sattubhastaṁ pamuñci;5.3Atha nikkhami urago uggatejo,5.4Āsīviso sappo phaṇaṁ karitvā.

6.1PTS 3.349“Suladdhalābhā janakassa rañño,6.2Yo passatī senakaṁ sādhupaññaṁ;6.3Vivaṭṭachaddo nusi sabbadassī,6.4Ñāṇaṁ nu te brāhmaṇa bhiṁsarūpaṁ”.

7.1“Imāni me sattasatāni atthi,7.2Gaṇhāhi sabbāni dadāmi tuyhaṁ;7.3Tayā hi me jīvitamajja laddhaṁ,7.4Athopi bhariyāya makāsi sotthiṁ”.

8.1“Na paṇḍitā vetanamādiyanti,8.2Citrāhi gāthāhi subhāsitāhi;8.3Itopi te brahme dadantu vittaṁ,8.4Ādāya tvaṁ gaccha sakaṁ niketan”ti.

9.1Sattubhastajātakaṁ sattamaṁ.