1.1PTS 3.380“Ambāhamaddaṁ vanamantarasmiṁ,1.2Nīlobhāsaṁ phalitaṁ saṁvirūḷhaṁ;1.3Tamaddasaṁ phalahetu vibhaggaṁ,1.4Taṁ disvā bhikkhācariyaṁ carāmi.

2.1Selaṁ sumaṭṭhaṁ naravīraniṭṭhitaṁ,2.2Nārī yugaṁ dhārayi appasaddaṁ;2.3Dutiyañca āgamma ahosi saddo,2.4Taṁ disvā bhikkhācariyaṁ carāmi.

3.1Dijā dijaṁ kuṇapamāharantaṁ,3.2Ekaṁ samānaṁ bahukā samecca;3.3Āhārahetū paripātayiṁsu,3.4Taṁ disvā bhikkhācariyaṁ carāmi.

4.1Usabhāhamaddaṁ yūthassa majjhe,4.2Calakkakuṁ vaṇṇabalūpapannaṁ;4.3Tamaddasaṁ kāmahetu vitunnaṁ,4.4Taṁ disvā bhikkhācariyaṁ carāmi”.

5.1PTS 3.381“Karaṇḍako kaliṅgānaṁ,5.2gandhārānañca naggaji;5.3Nimirājā videhānaṁ,5.4pañcālānañca dummukho;5.5Ete raṭṭhāni hitvāna,5.6pabbajiṁsu akiñcanā.

6.1Sabbepime devasamā samāgatā,6.2Aggī yathā pajjalito tathevime;6.3Ahampi eko carissāmi bhaggavi,6.4Hitvāna kāmāni yathodhikāni”.

7.1PTS 3.382“Ayameva kālo na hi añño atthi,7.2Anusāsitā me na bhaveyya pacchā;7.3Ahampi ekā carissāmi bhaggava,7.4Sakuṇīva muttā purisassa hatthā”.

8.1PTS 3.383“Āmaṁ pakkañca jānanti,8.2atho loṇaṁ aloṇakaṁ;8.3Tamahaṁ disvāna pabbajiṁ,8.4careva tvaṁ carāmahan”ti.

9.1Kumbhakārajātakaṁ tatiyaṁ.