Unstable as Turmeric Dye

Haliddirāgajātaka

“In lonesome forest”—This story the Master at Jetavana told about a youth who was tempted by a certain coarse maiden. The introductory story will be found in the Thirteenth Book in the Cullanarada Birth.

Pāli: Mahāsaṅgīti Tipiṭaka · Public domain (CC0) via SuttaCentral

0.1Jātaka
0.2Navakanipāta
0.3Gijjhavagga

0.49. Haliddirāgajātaka

1.1PTS 3.524“Sutitikkhaṁ araññamhi,1.2pantamhi sayanāsane;1.3Ye ca gāme titikkhanti,1.4te uḷāratarā tayā”.
2.1PTS 3.525“Araññā gāmamāgamma,2.2kiṁsīlaṁ kiṁvataṁ ahaṁ;2.3Purisaṁ tāta seveyyaṁ,2.4taṁ me akkhāhi pucchito”.
3.1“Yo te vissāsaye tāta,3.2vissāsañca khameyya te;3.3Sussūsī ca titikkhī ca,3.4taṁ bhajehi ito gato.
4.1Yassa kāyena vācāya,4.2manasā natthi dukkaṭaṁ;4.3Urasīva patiṭṭhāya,4.4taṁ bhajehi ito gato.
5.1Yo ca dhammena carati,5.2carantopi na maññati;5.3Visuddhakāriṁ sappaññaṁ,5.4taṁ bhajehi ito gato.
6.1Haliddirāgaṁ kapicittaṁ,6.2purisaṁ rāgavirāginaṁ;6.3Tādisaṁ tāta mā sevi,6.4nimmanussampi ce siyā.
7.1Āsīvisaṁva kupitaṁ,7.2mīḷhalittaṁ mahāpathaṁ;7.3Ārakā parivajjehi,7.4yānīva visamaṁ pathaṁ.
8.1PTS 3.526Anatthā tāta vaḍḍhanti,8.2bālaṁ accupasevato;8.3Māssu bālena saṅgacchi,8.4amitteneva sabbadā.
9.1Taṁ tāhaṁ tāta yācāmi,9.2karassu vacanaṁ mama;9.3Māssu bālena saṅgacchi,9.4dukkho bālehi saṅgamo”ti.

10.1Haliddirāgajātakaṁ navamaṁ.