1.1PTS 3.539“Yo te puttake akhādi,1.2dinnabhatto adūsake;1.3Tasmiṁ dāṭhaṁ nipātehi,1.4mā te muccittha jīvato”.

2.1“Ākiṇṇaluddo puriso,2.2dhāticelaṁva makkhito;2.3Padesaṁ taṁ na passāmi,2.4yattha dāṭhaṁ nipātaye.

3.1Akataññussa posassa,3.2niccaṁ vivaradassino;3.3Sabbañce pathaviṁ dajjā,3.4neva naṁ abhirādhaye”.

4.1PTS 3.540“Kiṁ nu subāhu taramānarūpo,4.2Paccāgatosi saha māṇavena;4.3Kiṁ kiccamatthaṁ idhamatthi tuyhaṁ,4.4Akkhāhi me pucchito etamatthaṁ”.

5.1PTS 3.541“Yo te sakhā daddaro sādhurūpo,5.2Tassa vadhaṁ parisaṅkāmi ajja;5.3Purisassa kammāyatanāni sutvā,5.4Nāhaṁ sukhiṁ daddaraṁ ajja maññe”.

6.1“Kānissa kammāyatanāni assu,6.2Purisassa vuttisamodhānatāya;6.3Kaṁ vā paṭiññaṁ purisassa sutvā,6.4Parisaṅkasi daddaraṁ māṇavena”.

7.1“Ciṇṇā kaliṅgā caritā vaṇijjā,7.2Vettācaro saṅkupathopi ciṇṇo;7.3Naṭehi ciṇṇaṁ saha vākurehi,7.4Daṇḍena yuddhampi samajjamajjhe.

8.1Baddhā kulīkā mitamāḷhakena,8.2Akkhā jitā saṁyamo abbhatīto;8.3Abbāhitaṁ pubbakaṁ aḍḍharattaṁ,8.4Hatthā daḍḍhā piṇḍapaṭiggahena.

9.1PTS 3.542Tānissa kammāyatanāni assu,9.2Purisassa vuttisamodhānatāya;9.3Yathā ayaṁ dissati lomapiṇḍo,9.4Gāvo hatā kiṁ pana daddarassā”ti.

10.1Daddarajātakaṁ dvādasamaṁ.

11.1Navakanipātaṁ niṭṭhitaṁ.

12.1Tassuddānaṁ

13.1Varagijjha samajjana haṁsavaro,13.2Nidhisavhaya hārita pāṭaliko;13.3Ajarāmara dhaṅka titikkha kuto,13.4Atha dvādasa pekkhana daddaribhīti.