1.1PTS 4.9“Kaṇho vatāyaṁ puriso,1.2kaṇhaṁ bhuñjati bhojanaṁ;1.3Kaṇhe bhūmipadesasmiṁ,1.4na mayhaṁ manaso piyo”.

2.1“Na kaṇho tacasā hoti,2.2antosāro hi brāhmaṇo;2.3Yasmiṁ pāpāni kammāni,2.4sa ve kaṇho sujampati”.

3.1PTS 4.10“Etasmiṁ te sulapite,3.2patirūpe subhāsite;3.3Varaṁ brāhmaṇa te dammi,3.4yaṁ kiñci manasicchasi”.

4.1“Varañce me ado sakka,4.2sabbabhūtānamissara;4.3Sunikkodhaṁ suniddosaṁ,4.4nillobhaṁ vuttimattano;4.5Nisnehamabhikaṅkhāmi,4.6ete me caturo vare”.

5.1PTS 4.11“Kiṁ nu kodhe vā dose vā,5.2lobhe snehe ca brāhmaṇa;5.3Ādīnavaṁ tvaṁ passasi,5.4taṁ me akkhāhi pucchito”.

6.1“Appo hutvā bahu hoti,6.2vaḍḍhate so akhantijo;6.3Āsaṅgī bahupāyāso,6.4tasmā kodhaṁ na rocaye.

7.1Duṭṭhassa pharusā vācā,7.2parāmāso anantarā;7.3Tato pāṇi tato daṇḍo,7.4satthassa paramā gati;7.5Doso kodhasamuṭṭhāno,7.6tasmā dosaṁ na rocaye.

8.1Ālopa sāhasākārā,8.2nikatī vañcanāni ca;8.3Dissanti lobhadhammesu,8.4tasmā lobhaṁ na rocaye.

9.1Snehasaṅgathitā ganthā,9.2senti manomayā puthū;9.3Te bhusaṁ upatāpenti,9.4tasmā snehaṁ na rocaye”.

10.1PTS 4.13“Etasmiṁ te sulapite,10.2patirūpe subhāsite;10.3Varaṁ brāhmaṇa te dammi,10.4yaṁ kiñci manasicchasi”.

11.1“Varañce me ado sakka,11.2sabbabhūtānamissara;11.3Araññe me viharato,11.4niccaṁ ekavihārino;11.5Ābādhā mā uppajjeyyuṁ,11.6antarāyakarā bhusā”.

12.1“Etasmiṁ te sulapite,12.2patirūpe subhāsite;12.3Varaṁ brāhmaṇa te dammi,12.4yaṁ kiñci manasicchasi”.

13.1PTS 4.14∥“Varañce me ado sakka,13.2sabbabhūtānamissara;13.3Na mano vā sarīraṁ vā,13.4maṁ-kate sakka kassaci;13.5Kadāci upahaññetha,13.6etaṁ sakka varaṁ vare”ti.

14.1Kaṇhajātakaṁ dutiyaṁ.