1.1PTS 4.31“Sattāhamevāhaṁ pasannacitto,1.2Puññatthiko ācariṁ brahmacariyaṁ;1.3Athāparaṁ yaṁ caritaṁ mamedaṁ,1.4Vassāni paññāsa samādhikāni;1.5Akāmakovāpi ahaṁ carāmi,1.6Etena saccena suvatthi hotu;1.7Hataṁ visaṁ jīvatu yaññadatto”.

2.1PTS 4.32“Yasmā dānaṁ nābhinandiṁ kadāci,2.2Disvānahaṁ atithiṁ vāsakāle;2.3Na cāpi me appiyataṁ aveduṁ,2.4Bahussutā samaṇabrāhmaṇā ca”.2.5Akāmakovāpi ahaṁ dadāmi,2.6Etena saccena suvatthi hotu;2.7Hataṁ visaṁ jīvatu yaññadatto.

3.1“Āsīviso tāta pahūtatejo,3.2Yo taṁ adaṁsī sacarā udicca;3.3Tasmiñca me appiyatāya ajja,3.4Pitari ca te natthi koci viseso;3.5Etena saccena suvatthi hotu,3.6Hataṁ visaṁ jīvatu yaññadatto”.

4.1PTS 4.33“Santā dantāyeva paribbajanti,4.2Aññatra kaṇhā natthākāmarūpā;4.3Dīpāyana kissa jigucchamāno,4.4Akāmako carasi brahmacariyaṁ”.

5.1“Saddhāya nikkhamma punaṁ nivatto,5.2So eḷamūgova bālo vatāyaṁ;5.3Etassa vādassa jigucchamāno,5.4Akāmako carāmi brahmacariyaṁ;5.5Viññuppasatthañca satañca ṭhānaṁ,5.6Evampahaṁ puññakaro bhavāmi”.

6.1PTS 4.34“Samaṇe tuvaṁ brāhmaṇe addhike ca,6.2Santappayāsi annapānena bhikkhaṁ;6.3Opānabhūtaṁva gharaṁ tava yidaṁ,6.4Annena pānena upetarūpaṁ;6.5Atha kissa vādassa jigucchamāno,6.6Akāmako dānamimaṁ dadāsi”.

7.1“Pitaro ca me āsuṁ pitāmahā ca,7.2Saddhā ahuṁ dānapatī vadaññū;7.3Taṁ kullavattaṁ anuvattamāno,7.4Māhaṁ kule antimagandhano ahuṁ;7.5Etassa vādassa jigucchamāno,7.6Akāmako dānamimaṁ dadāmi”.

8.1PTS 4.35“Dahariṁ kumāriṁ asamatthapaññaṁ,8.2Yaṁ tānayiṁ ñātikulā sugatte;8.3Na cāpi me appiyataṁ avedi,8.4Aññatra kāmā paricārayantā;8.5Atha kena vaṇṇena mayā te bhoti,8.6Saṁvāsadhammo ahu evarūpo”.

9.1“Ārā dūre nayidha kadāci atthi,9.2Paramparā nāma kule imasmiṁ;9.3Taṁ kullavattaṁ anuvattamānā,9.4Māhaṁ kule antimagandhinī ahuṁ;9.5Etassa vādassa jigucchamānā,9.6Akāmikā paddhacarāmhi tuyhaṁ”.

10.1PTS 4.36“Maṇḍabya bhāsiṁ yamabhāsaneyyaṁ,10.2Taṁ khamyataṁ puttakahetu majja;10.3Puttapemā na idha paratthi kiñci,10.4So no ayaṁ jīvati yaññadatto”ti.

11.1Kaṇhadīpāyanajātakaṁ chaṭṭhaṁ.