1.1PTS 4.84“Uṭṭhehi kaṇha kiṁ sesi,1.2Ko attho supanena te;1.3Yopi tuyhaṁ sako bhātā,1.4Hadayaṁ cakkhu ca dakkhiṇaṁ;1.5Tassa vātā balīyanti,1.6Ghaṭo jappati kesava”.

2.1PTS 4.85“Tassa taṁ vacanaṁ sutvā,2.2rohiṇeyyassa kesavo;2.3Taramānarūpo vuṭṭhāsi,2.4bhātusokena aṭṭito”.

3.1“Kiṁ nu ummattarūpova,3.2kevalaṁ dvārakaṁ imaṁ;3.3Saso sasoti lapasi,3.4ko nu te sasamāhari”.

4.1“Sovaṇṇamayaṁ maṇīmayaṁ,4.2Lohamayaṁ atha rūpiyāmayaṁ;4.3Saṅkhasilāpavāḷamayaṁ,4.4Kārayissāmi te sasaṁ”.

5.1“Santi aññepi sasakā,5.2araññe vanagocarā;5.3Tepi te ānayissāmi,5.4kīdisaṁ sasamicchasi”.

6.1“Na cāhamete icchāmi,6.2ye sasā pathavissitā;6.3Candato sasamicchāmi,6.4taṁ me ohara kesava”.

7.1PTS 4.86“So nūna madhuraṁ ñāti,7.2jīvitaṁ vijahissasi;7.3Apatthiyaṁ yo patthayasi,7.4candato sasamicchasi”.

8.1“Evañce kaṇha jānāsi,8.2yadaññamanusāsasi;8.3Kasmā pure mataṁ puttaṁ,8.4ajjāpi manusocasi”.

9.1“Yaṁ na labbhā manussena,9.2amanussena vā puna;9.3Jāto me mā marī putto,9.4kuto labbhā alabbhiyaṁ.

10.1Na mantā mūlabhesajjā,10.2osadhehi dhanena vā;10.3Sakkā ānayituṁ kaṇha,10.4yaṁ petamanusocasi”.

11.1PTS 4.87“Yassa etādisā assu,11.2amaccā purisapaṇḍitā;11.3Yathā nijjhāpaye ajja,11.4ghaṭo purisapaṇḍito.

12.1Ādittaṁ vata maṁ santaṁ,12.2ghatasittaṁva pāvakaṁ;12.3Vārinā viya osiñcaṁ,12.4sabbaṁ nibbāpaye daraṁ.

13.1Abbahī vata me sallaṁ,13.2yamāsi hadayassitaṁ;13.3Yo me sokaparetassa,13.4puttasokaṁ apānudi.

14.1Sohaṁ abbūḷhasallosmi,14.2vītasoko anāvilo;14.3Na socāmi na rodāmi,14.4tava sutvāna māṇava”.

15.1∥“Evaṁ karonti sappaññā,15.2Ye honti anukampakā;15.3Nivattayanti sokamhā,15.4Ghaṭo jeṭṭhaṁva bhātaran”ti.

16.1Ghaṭapaṇḍitajātakaṁ soḷasamaṁ.

17.1Dasakanipātaṁ niṭṭhitaṁ.

18.1Tassuddānaṁ

19.1Daḷha kaṇha dhanañjaya saṅkhavaro,19.2Raja sattaha kassa ca takkalinā;19.3Dhammaṁ kukkuṭa kuṇḍali bhojanadā,19.4Cakkavāka subhūrisa sotthi ghaṭoti.