1.1PTS 4.154“Kā tvaṁ suddhehi vatthehi,1.2aghe vehāyasaṁ ṭhitā;1.3Kena tyāssūni vattanti,1.4kuto taṁ bhayamāgataṁ”.

2.1“Taveva deva vijite,2.2bhaddasāloti maṁ vidū;2.3Saṭṭhi vassasahassāni,2.4tiṭṭhato pūjitassa me.

3.1Kārayantā nagarāni,3.2agāre ca disampati;3.3Vividhe cāpi pāsāde,3.4na maṁ te accamaññisuṁ;3.5Yatheva maṁ te pūjesuṁ,3.6tatheva tvampi pūjaya”.

4.1PTS 4.155“Taṁ ivāhaṁ na passāmi,4.2thūlaṁ kāyena te dumaṁ;4.3Ārohapariṇāhena,4.4abhirūposi jātiyā.

5.1Pāsādaṁ kārayissāmi,5.2ekatthambhaṁ manoramaṁ;5.3Tattha taṁ upanessāmi,5.4ciraṁ te yakkha jīvitaṁ”.

6.1“Evaṁ cittaṁ udapādi,6.2sarīrena vinābhāvo;6.3Puthuso maṁ vikantitvā,6.4khaṇḍaso avakantatha.

7.1PTS 4.156Agge ca chetvā majjhe ca,7.2pacchā mūlamhi chindatha;7.3Evaṁ me chijjamānassa,7.4na dukkhaṁ maraṇaṁ siyā”.

8.1“Hatthapādaṁ yathā chinde,8.2Kaṇṇanāsañca jīvato;8.3Tato pacchā siro chinde,8.4Taṁ dukkhaṁ maraṇaṁ siyā.

9.1Sukhaṁ nu khaṇḍaso chinnaṁ,9.2bhaddasāla vanappati;9.3Kiṁhetu kiṁ upādāya,9.4khaṇḍaso chinnamicchasi”.

10.1“Yañca hetumupādāya,10.2hetuṁ dhammūpasaṁhitaṁ;10.3Khaṇḍaso chinnamicchāmi,10.4mahārāja suṇohi me.

11.1Ñātī me sukhasaṁvaddhā,11.2mama passe nivātajā;11.3Tepihaṁ upahiṁseyyaṁ,11.4paresaṁ asukhocitaṁ”.

12.1PTS 4.157“Ceteyyarūpaṁ cetesi,12.2bhaddasāla vanappati;12.3Hitakāmosi ñātīnaṁ,12.4abhayaṁ samma dammi te”ti.

13.1Bhaddasālajātakaṁ dutiyaṁ.