1.1PTS 4.172∥“Kāmaṁ kāmayamānassa,1.2tassa ce taṁ samijjhati;1.3Addhā pītimano hoti,1.4laddhā macco yadicchati.

2.1Kāmaṁ kāmayamānassa,2.2tassa ce taṁ samijjhati;2.3Tato naṁ aparaṁ kāme,2.4ghamme taṇhaṁva vindati.

3.1Gavaṁva siṅgino siṅgaṁ,3.2vaḍḍhamānassa vaḍḍhati;3.3Evaṁ mandassa posassa,3.4bālassa avijānato;3.5Bhiyyo taṇhā pipāsā ca,3.6vaḍḍhamānassa vaḍḍhati.

4.1Pathabyā sāliyavakaṁ,4.2gavāssaṁ dāsaporisaṁ;4.3Datvā ca nālamekassa,4.4iti vidvā samaṁ care.

5.1∥Rājā pasayha pathaviṁ vijitvā,5.2Sasāgarantaṁ mahimāvasanto;5.3Oraṁ samuddassa atittarūpo,5.4Pāraṁ samuddassapi patthayetha.

6.1∥Yāva anussaraṁ kāme,6.2Manasā titti nājjhagā;6.3Tato nivattā paṭikkamma disvā,6.4Te ve sutittā ye paññāya tittā.

7.1Paññāya tittinaṁ seṭṭhaṁ,7.2na so kāmehi tappati;7.3Paññāya tittaṁ purisaṁ,7.4taṇhā na kurute vasaṁ.

8.1Apacinetheva kāmānaṁ,8.2appicchassa alolupo;8.3Samuddamatto puriso,8.4na so kāmehi tappati.

9.1PTS 4.173Rathakārova cammassa,9.2parikantaṁ upāhanaṁ;9.3Yaṁ yaṁ cajati kāmānaṁ,9.4taṁ taṁ sampajjate sukhaṁ;9.5Sabbañce sukhamiccheyya,9.6sabbe kāme pariccaje”.

10.1PTS 4.175“Aṭṭha te bhāsitā gāthā,10.2sabbā honti sahassiyo;10.3Paṭigaṇha mahābrahme,10.4sādhetaṁ tava bhāsitaṁ”.

11.1“Na me attho sahassehi,11.2satehi nahutehi vā;11.3Pacchimaṁ bhāsato gāthaṁ,11.4kāme me na rato mano”.

12.1“Bhadrako vatāyaṁ māṇavako,12.2Sabbalokavidū muni;12.3Yo imaṁ taṇhaṁ dukkhajananiṁ,12.4Parijānāti paṇḍito”ti.

13.1Kāmajātakaṁ catutthaṁ.