1.1PTS 4.208“Kuṭhārihattho puriso,1.2vanamogayha tiṭṭhasi;1.3Puṭṭho me samma akkhāhi,1.4kiṁ dāruṁ chetumicchasi”.

2.1PTS 4.209“Isso vanāni carasi,2.2samāni visamāni ca;2.3Puṭṭho me samma akkhāhi,2.4kiṁ dāruṁ nemiyā daḷhaṁ”.

3.1“Neva sālo na khadiro,3.2nāssakaṇṇo kuto dhavo;3.3Rukkho ca phandano nāma,3.4taṁ dāruṁ nemiyā daḷhaṁ”.

4.1“Kīdisānissa pattāni,4.2khandho vā pana kīdiso;4.3Puṭṭho me samma akkhāhi,4.4yathā jānemu phandanaṁ”.

5.1“Yassa sākhā palambanti,5.2namanti na ca bhañjare;5.3So rukkho phandano nāma,5.4yassa mūle ahaṁ ṭhito.

6.1Arānaṁ cakkanābhīnaṁ,6.2īsānemirathassa ca;6.3Sabbassa te kammaniyo,6.4ayaṁ hessati phandano”.

7.1PTS 4.210∥“Iti phandanarukkhopi,7.2tāvade ajjhabhāsatha;7.3Mayhampi vacanaṁ atthi,7.4bhāradvāja suṇohi me.

8.1Issassa upakkhandhamhā,8.2Ukkacca caturaṅgulaṁ;8.3Tena nemiṁ pasāresi,8.4Evaṁ daḷhataraṁ siyā.

9.1Iti phandanarukkhopi,9.2veraṁ appesi tāvade;9.3Jātānañca ajātānaṁ,9.4issānaṁ dukkhamāvahi.

10.1PTS 4.211Iccevaṁ phandano issaṁ,10.2isso ca pana phandanaṁ;10.3Aññamaññaṁ vivādena,10.4aññamaññamaghātayuṁ.

11.1Evameva manussānaṁ,11.2vivādo yattha jāyati;11.3Mayūranaccaṁ naccanti,11.4yathā te issaphandanā.

12.1∥Taṁ vo vadāmi bhaddaṁ vo,12.2yāvantettha samāgatā;12.3Sammodatha mā vivadatha,12.4mā hotha issaphandanā.

13.1Sāmaggimeva sikkhetha,13.2buddhehetaṁ pasaṁsitaṁ;13.3Sāmaggirato dhammaṭṭho,13.4yogakkhemā na dhaṁsatī”ti.

14.1Phandanajātakaṁ dutiyaṁ.