1.1PTS 4.247“Ahameva dubbhāsitaṁ bhāsi bālo,1.2Bhekovaraññe ahimavhāyamāno;1.3Takkāriye sobbhamimaṁ patāmi,1.4Na kireva sādhu ativelabhāṇī”.

2.1PTS 4.248“Pappoti macco ativelabhāṇī,2.2Bandhaṁ vadhaṁ sokapariddavañca;2.3Attānameva garahāsi ettha,2.4Ācera yaṁ taṁ nikhaṇanti sobbhe”.

3.1PTS 4.249“Kimevahaṁ tuṇḍilamanupucchiṁ,3.2Kareyya saṁ bhātaraṁ kāḷikāyaṁ;3.3Naggovahaṁ vatthayugañca jīno,3.4Ayampi attho bahutādisova”.

4.1PTS 4.250“Yo yujjhamānānamayujjhamāno,4.2Meṇḍantaraṁ accupatī kuliṅgo;4.3So piṁsito meṇḍasirehi tattha,4.4Ayampi attho bahutādisova.

5.1PTS 4.251Caturo janā potthakamaggahesuṁ,5.2Ekañca posaṁ anurakkhamānā;5.3Sabbeva te bhinnasirā sayiṁsu,5.4Ayampi attho bahutādisova.

6.1Ajā yathā veḷugumbasmiṁ baddhā,6.2Avakkhipantī asimajjhagacchi;6.3Teneva tassā galakāvakantaṁ,6.4Ayampi attho bahutādisova”.

7.1PTS 4.252“Ime na devā na gandhabbaputtā,7.2Migā ime atthavasaṁ gatā me;7.3Ekañca naṁ sāyamāse pacantu,7.4Ekaṁ punappātarāse pacantu”.

8.1“Sataṁ sahassāni dubhāsitāni,8.2Kalampi nāgghanti subhāsitassa;8.3Dubbhāsitaṁ saṅkamāno kileso,8.4Tasmā tuṇhī kimpurisā na bālyā”.

9.1PTS 4.253“Yā mesā byāhāsi pamuñcathetaṁ,9.2Giriñca naṁ himavantaṁ nayantu;9.3Imañca kho dentu mahānasāya,9.4Pātova naṁ pātarāse pacantu”.

10.1“Pajjunnanāthā pasavo,10.2pasunāthā ayaṁ pajā;10.3Tvaṁ nāthosi mahārāja,10.4nāthohaṁ bhariyāya me;10.5Dvinnamaññataraṁ ñatvā,10.6mutto gaccheyya pabbataṁ.

11.1PTS 4.254Na ve nindā suparivajjayetha,11.2Nānā janā sevitabbā janinda;11.3Yeneva eko labhate pasaṁsaṁ,11.4Teneva añño labhate ninditāraṁ.

12.1Sabbo loko paricitto aticitto,12.2Sabbo loko cittavā samhi citte;12.3Paccekacittā puthu sabbasattā,12.4Kassīdha cittassa vasena vatte”.

13.1“Tuṇhī ahū kimpuriso sabhariyo,13.2Yo dāni byāhāsi bhayassa bhīto;13.3So dāni mutto sukhito arogo,13.4Vācākirevatthavatī narānan”ti.

14.1Takkāriyajātakaṁ aṭṭhamaṁ.