1.1PTS 4.269∥“Āsīsetheva puriso,1.2na nibbindeyya paṇḍito;1.3Passāmi vohaṁ attānaṁ,1.4yathā icchiṁ tathā ahu.

2.1Āsīsetheva puriso,2.2na nibbindeyya paṇḍito;2.3Passāmi vohaṁ attānaṁ,2.4udakā thalamubbhataṁ.

3.1Vāyametheva puriso,3.2na nibbindeyya paṇḍito;3.3Passāmi vohaṁ attānaṁ,3.4yathā icchiṁ tathā ahu.

4.1Vāyametheva puriso,4.2na nibbindeyya paṇḍito;4.3Passāmi vohaṁ attānaṁ,4.4udakā thalamubbhataṁ.

5.1PTS 4.270Dukkhūpanītopi naro sapañño,5.2Āsaṁ na chindeyya sukhāgamāya;5.3Bahū hi phassā ahitā hitā ca,5.4Avitakkitā maccamupabbajanti.

6.1Acintitampi bhavati,6.2cintitampi vinassati;6.3Na hi cintāmayā bhogā,6.4itthiyā purisassa vā”.

7.1PTS 4.271“Sarabhaṁ giriduggasmiṁ,7.2yaṁ tvaṁ anusarī pure;7.3Alīnacittassa tuvaṁ,7.4vikkantamanujīvasi.

8.1Yo taṁ viduggā narakā samuddhari,8.2Silāya yoggaṁ sarabho karitvā;8.3Dukkhūpanītaṁ maccumukhā pamocayi,8.4Alīnacittaṁ ta migaṁ vadesi”.

9.1“Kiṁ tvaṁ nu tattheva tadā ahosi,9.2Udāhu te koci naṁ etadakkhā;9.3Vivaṭṭacchaddo nusi sabbadassī,9.4Ñāṇaṁ nu te brāhmaṇa bhiṁsarūpaṁ”.

10.1PTS 4.272“Na cevahaṁ tattha tadā ahosiṁ,10.2Na cāpi me koci naṁ etadakkhā;10.3Gāthāpadānañca subhāsitānaṁ,10.4Atthaṁ tadānenti janinda dhīrā”.

11.1“Ādāya pattiṁ paraviriyaghātiṁ,11.2Cāpe saraṁ kiṁ vicikicchase tuvaṁ;11.3Nunno saro sarabhaṁ hantu khippaṁ,11.4Annañhi etaṁ varapañña rañño”.

12.1PTS 4.273“Addhā pajānāmi ahampi etaṁ,12.2Annaṁ migo brāhmaṇa khattiyassa;12.3Pubbe katañca apacāyamāno,12.4Tasmā migaṁ sarabhaṁ no hanāmi”.

13.1“Neso migo mahārāja,13.2asureso disampati;13.3Etaṁ hantvā manussinda,13.4bhavassu amarādhipo.

14.1Sace ca rājā vicikicchase tuvaṁ,14.2Hantuṁ migaṁ sarabhaṁ sahāyakaṁ;14.3Saputtadāro naravīraseṭṭha,14.4Gantā tuvaṁ vetaraṇiṁ yamassa”.

15.1“Kāmaṁ ahaṁ jānapadā ca sabbe,15.2Puttā ca dārā ca sahāyasaṅghā;15.3Gacchemu taṁ vetaraṇiṁ yamassa,15.4Na tveva hañño mama pāṇado yo.

16.1PTS 4.274Ayaṁ migo kicchagatassa mayhaṁ,16.2Ekassa kattā vivanasmi ghore;16.3Taṁ tādisaṁ pubbakiccaṁ saranto,16.4Jānaṁ mahābrahme kathaṁ haneyyaṁ”.

17.1“Mittābhirādhī cirameva jīva,17.2Rajjaṁ imaṁ dhammaguṇe pasāsa;17.3Nārīgaṇehi paricāriyanto,17.4Modassu raṭṭhe tidiveva vāsavo.

18.1Akkodhano niccapasannacitto,18.2Sabbātithī yācayogo bhavitvā;18.3Datvā ca bhutvā ca yathānubhāvaṁ,18.4Anindito saggamupehi ṭhānan”ti.

19.1Sarabhamigajātakaṁ dasamaṁ.

20.1Terasakanipātaṁ niṭṭhitaṁ.

21.1Tassuddānaṁ

22.1Varaamba kuṭhāri sahaṁsavaro,22.2Atharaññasmiṁ dūtakapañcamako;22.3Atha bodhi akitti sutakkarinā,22.4Atha rurumigenaparo sarabhoti.