1.1PTS 5.3“Kiṁchando kimadhippāyo,1.2eko sammasi ghammani;1.3Kiṁ patthayāno kiṁ esaṁ,1.4kena atthena brāhmaṇa”.

2.1PTS 5.4“Yathā mahā vāridharo,2.2kumbho supariṇāhavā;2.3Tathūpamaṁ ambapakkaṁ,2.4vaṇṇagandharasuttamaṁ.

3.1Taṁ vuyhamānaṁ sotena,3.2disvānāmalamajjhime;3.3Pāṇīhi naṁ gahetvāna,3.4agyāyatanamāhariṁ.

4.1Tato kadalipattesu,4.2nikkhipitvā sayaṁ ahaṁ;4.3Satthena naṁ vikappetvā,4.4khuppipāsaṁ ahāsi me.

5.1Sohaṁ apetadaratho,5.2Byantībhūto dukhakkhamo;5.3Assādaṁ nādhigacchāmi,5.4Phalesvaññesu kesuci.

6.1Sosetvā nūna maraṇaṁ,6.2taṁ mamaṁ āvahissati;6.3Ambaṁ yassa phalaṁ sādu,6.4madhuraggaṁ manoramaṁ;6.5Yamuddhariṁ vuyhamānaṁ,6.6udadhismā mahaṇṇave.

7.1Akkhātaṁ te mayā sabbaṁ,7.2yasmā upavasāmahaṁ;7.3Rammaṁ pati nisinnosmi,7.4puthulomāyutā puthu.

8.1Tvañca kho meva akkhāhi,8.2attānamapalāyini;8.3Kā vā tvamasi kalyāṇi,8.4kissa vā tvaṁ sumajjhime.

9.1Ruppapaṭṭapalimaṭṭhīva,9.2byagghīva girisānujā;9.3Yā santi nāriyo devesu,9.4devānaṁ paricārikā.

10.1Yā ca manussalokasmiṁ,10.2Rūpenānvāgatitthiyo;10.3Rūpena te sadisī natthi,10.4Devesu gandhabbamanussaloke;10.5Puṭṭhāsi me cārupubbaṅgi,10.6Brūhi nāmañca bandhave”.

11.1PTS 5.5“Yaṁ tvaṁ pati nisinnosi,11.2rammaṁ brāhmaṇa kosikiṁ;11.3Sāhaṁ bhusālayāvutthā,11.4varavārivahoghasā.

12.1Nānādumagaṇākiṇṇā,12.2bahukā girikandarā;12.3Mameva pamukhā honti,12.4abhisandanti pāvuse.

13.1PTS 5.6Atho bahū vanatodā,13.2nīlavārivahindharā;13.3Bahukā nāgavittodā,13.4abhisandanti vārinā.

14.1Tā ambajambulabujā,14.2nīpā tālā cudumbarā;14.3Bahūni phalajātāni,14.4āvahanti abhiṇhaso.

15.1Yaṁ kiñci ubhato tīre,15.2phalaṁ patati ambuni;15.3Asaṁsayaṁ taṁ sotassa,15.4phalaṁ hoti vasānugaṁ.

16.1Etadaññāya medhāvi,16.2puthupañña suṇohi me;16.3Mā rocaya mabhisaṅgaṁ,16.4paṭisedha janādhipa.

17.1Na vāhaṁ vaḍḍhavaṁ maññe,17.2Yaṁ tvaṁ raṭṭhābhivaḍḍhana;17.3Āceyyamāno rājisi,17.4Maraṇaṁ abhikaṅkhasi.

18.1Tassa jānanti pitaro,18.2gandhabbā ca sadevakā;18.3Ye cāpi isayo loke,18.4saññatattā tapassino;18.5Asaṁsayaṁ tepi jānanti,18.6paṭṭhabhūtā yasassino”.

19.1PTS 5.7“Evaṁ viditvā vidū sabbadhammaṁ,19.2Viddhaṁsanaṁ cavanaṁ jīvitassa;19.3Na cīyatī tassa narassa pāpaṁ,19.4Sace na ceteti vadhāya tassa.

20.1Isipūgasamaññāte,20.2evaṁ lokyā viditā sati;20.3Anariyaparisambhāse,20.4pāpakammaṁ jigīsasi.

21.1Sace ahaṁ marissāmi,21.2tīre te puthusussoṇi;21.3Asaṁsayaṁ taṁ asiloko,21.4mayi pete āgamissati.

22.1Tasmā hi pāpakaṁ kammaṁ,22.2rakkhasseva sumajjhime;22.3Mā taṁ sabbo jano pacchā,22.4pakuṭṭhāyi mayi mate”.

23.1PTS 5.8“Aññātametaṁ avisayhasāhi,23.2Attānamambañca dadāmi te taṁ;23.3So duccaje kāmaguṇe pahāya,23.4Santiñca dhammañca adhiṭṭhitosi.

24.1Yo hitvā pubbasaññogaṁ,24.2pacchā saṁyojane ṭhito;24.3Adhammañceva carati,24.4pāpañcassa pavaḍḍhati.

25.1Ehi taṁ pāpayissāmi,25.2kāmaṁ appossuko bhava;25.3Upānayāmi sītasmiṁ,25.4viharāhi anussuko.

26.1Taṁ puppharasamattebhi,26.2vakkaṅgehi arindama;26.3Koñcā mayūrā diviyā,26.4kolaṭṭhimadhusāḷikā;26.5Kūjitā haṁsapūgehi,26.6kokilettha pabodhare.

27.1Ambettha vippasākhaggā,27.2palālakhalasannibhā;27.3Kosambasaḷalā nīpā,27.4pakkatālavilambino”.

28.1PTS 5.9“Mālī tiriṭī kāyūrī,28.2aṅgadī candanussado;28.3Rattiṁ tvaṁ paricāresi,28.4divā vedesi vedanaṁ.

29.1Soḷasitthisahassāni,29.2yā temā paricārikā;29.3Evaṁ mahānubhāvosi,29.4abbhuto lomahaṁsano.

30.1Kiṁ kammamakarī pubbe,30.2pāpaṁ attadukhāvahaṁ;30.3Yaṁ karitvā manussesu,30.4piṭṭhimaṁsāni khādasi”.

31.1PTS 5.10“Ajjhenāni paṭiggayha,31.2kāmesu gadhito ahaṁ;31.3Acariṁ dīghamaddhānaṁ,31.4paresaṁ ahitāyahaṁ.

32.1Yo piṭṭhimaṁsiko hoti,32.2evaṁ ukkacca khādati;32.3Yathāhaṁ ajja khādāmi,32.4piṭṭhimaṁsāni attano”ti.

33.1Kiṁchandajātakaṁ paṭhamaṁ.