1.0Atītādiekaccakathā

1.1Atītaṁ atthīti?1.2Ekaccaṁ atthi, ekaccaṁ natthīti.1.3Ekaccaṁ niruddhaṁ, ekaccaṁ na niruddhaṁ;1.4ekaccaṁ vigataṁ, ekaccaṁ avigataṁ;1.5ekaccaṁ atthaṅgataṁ, ekaccaṁ na atthaṅgataṁ;1.6ekaccaṁ abbhatthaṅgataṁ, ekaccaṁ na abbhatthaṅgatanti?1.7Na hevaṁ vattabbe …pe….

2.1Atītaṁ ekaccaṁ atthi, ekaccaṁ natthīti?2.2Āmantā.2.3Atītā avipakkavipākā dhammā ekacce atthi, ekacce natthīti?2.4Na hevaṁ vattabbe …pe…2.5atītaṁ ekaccaṁ atthi, ekaccaṁ natthīti?2.6Āmantā.2.7Atītā vipakkavipākā dhammā ekacce atthi, ekacce natthīti?2.8Na hevaṁ vattabbe …pe…2.9atītaṁ ekaccaṁ atthi, ekaccaṁ natthīti?2.10Āmantā.2.11Atītā avipākā dhammā ekacce atthi ekacce natthīti?2.12Na hevaṁ vattabbe …pe….

3.1Atītaṁ ekaccaṁ atthi ekaccaṁ natthīti?3.2Āmantā.3.3Kiṁ atthi kiṁ natthīti?3.4Atītā avipakkavipākā dhammā—3.5te atthi;3.6atītā vipakkavipākā dhammā—3.7te natthīti.3.8Atītā avipakkavipākā dhammā—3.9te atthīti?3.10Āmantā.3.11Atītā vipakkavipākā dhammā—3.12te atthīti?3.13Na hevaṁ vattabbe …pe…3.14atītā avipakkavipākā dhammā—3.15te atthīti?3.16Āmantā.3.17Atītā avipākā dhammā—3.18te atthīti?3.19Na hevaṁ vattabbe …pe….

4.1Atītā vipakkavipākā dhammā—4.2te natthīti?4.3Āmantā.4.4Atītā avipakkavipākā dhammā—4.5te natthīti?4.6Na hevaṁ vattabbe …pe….

5.1Atītā avipākā dhammā—5.2te natthīti?5.3Āmantā.5.4Atītā avipakkavipākā dhammā—5.5te natthīti?5.6Na hevaṁ vattabbe …pe….

6.1Atītā avipakkavipākā dhammā—6.2te atthīti?6.3Āmantā.6.4Nanu atītā avipakkavipākā dhammā niruddhāti?6.5Āmantā.6.6Hañci atītā avipakkavipākā dhammā niruddhā, no ca vata re vattabbe—6.7“atītā avipakkavipākā dhammā—6.8te atthī”ti.

7.1Atītā avipakkavipākā dhammā niruddhā—7.2te atthīti?7.3Āmantā.7.4Atītā vipakkavipākā dhammā niruddhā—7.5te atthīti?7.6Na hevaṁ vattabbe …pe…7.7atītā avipakkavipākā dhammā niruddhā—7.8te atthīti?7.9Āmantā.7.10Atītā avipākā dhammā niruddhā—7.11te atthīti?7.12Na hevaṁ vattabbe …pe….

8.1Atītā vipakkavipākā dhammā niruddhā—8.2te natthīti?8.3Āmantā.8.4Atītā avipakkavipākā dhammā niruddhā—8.5te natthīti?8.6Na hevaṁ vattabbe …pe….

9.1Atītā avipākā dhammā niruddhā—9.2te natthīti?9.3Āmantā.9.4Atītā avipakkavipākā dhammā niruddhā—9.5te natthīti?9.6Na hevaṁ vattabbe …pe….

10.1Atītā avipakkavipākā dhammā niruddhā—10.2te atthīti?10.3Āmantā.10.4Atītā vipakkavipākā dhammā niruddhā—10.5te natthīti?10.6Āmantā.10.7Atītā ekadesaṁ vipakkavipākā dhammā ekadesaṁ avipakkavipākā dhammā niruddhā—10.8te ekacce atthi ekacce natthīti?10.9Na hevaṁ vattabbe …pe….

11.1Na vattabbaṁ—11.2“atītā avipakkavipākā dhammā—11.3te atthī”ti?11.4Āmantā.11.5Nanu atītā avipakkavipākā dhammā vipaccissantīti?11.6Āmantā.11.7Hañci atītā avipakkavipākā dhammā vipaccissanti, tena vata re vattabbe—11.8“atītā avipakkavipākā dhammā—11.9te atthī”ti.

12.1Atītā avipakkavipākā dhammā vipaccissantīti katvā te atthīti?12.2Āmantā.12.3Vipaccissantīti katvā paccuppannāti?12.4Na hevaṁ vattabbe …pe…12.5vipaccissantīti katvā paccuppannāti?12.6Āmantā.12.7Paccuppannā dhammā nirujjhissantīti katvā te natthīti?12.8Na hevaṁ vattabbe …pe….

13.0Anāgatādiekaccakathā

13.1Anāgataṁ atthīti?13.2Ekaccaṁ atthi, ekaccaṁ natthīti.13.3Ekaccaṁ jātaṁ, ekaccaṁ ajātaṁ;13.4ekaccaṁ sañjātaṁ, ekaccaṁ asañjātaṁ;13.5ekaccaṁ nibbattaṁ, ekaccaṁ anibbattaṁ;13.6ekaccaṁ pātubhūtaṁ, ekaccaṁ apātubhūtanti?13.7Na hevaṁ vattabbe …pe….

14.1Anāgataṁ ekaccaṁ atthi, ekaccaṁ natthīti?14.2Āmantā.14.3Anāgatā uppādino dhammā ekacce atthi, ekacce natthīti?14.4Na hevaṁ vattabbe …pe…14.5anāgataṁ ekaccaṁ atthi, ekaccaṁ natthīti?14.6Āmantā.14.7Anāgatā anuppādino dhammā ekacce atthi, ekacce natthīti?14.8Na hevaṁ vattabbe …pe….

15.1Anāgataṁ ekaccaṁ atthi, ekaccaṁ natthīti?15.2Āmantā.15.3Kiṁ atthi, kiṁ natthīti?15.4Anāgatā uppādino dhammā—15.5te atthi;15.6anāgatā anuppādino dhammā—15.7te natthīti.15.8Anāgatā uppādino dhammā—15.9te atthīti?15.10Āmantā.15.11Anāgatā anuppādino dhammā—15.12te atthīti?15.13Na hevaṁ vattabbe …pe…15.14anāgatā anuppādino dhammā—15.15te natthīti?15.16Āmantā.15.17Anāgatā uppādino dhammā—15.18te natthīti?15.19Na hevaṁ vattabbe …pe….

16.1Anāgatā uppādino dhammā—16.2te atthīti?16.3Āmantā.16.4Nanu anāgatā uppādino dhammā ajātāti?16.5Āmantā.16.6Hañci anāgatā uppādino dhammā ajātā, no ca vata re vattabbe—16.7“anāgatā uppādino dhammā—16.8te atthī”ti.

17.1Anāgatā uppādino dhammā ajātā—17.2te atthīti?17.3Āmantā.17.4Anāgatā anuppādino dhammā ajātā—17.5te atthīti?17.6Na hevaṁ vattabbe …pe…17.7anāgatā anuppādino dhammā ajātā—17.8te natthīti?17.9Āmantā.17.10Anāgatā uppādino dhammā ajātā—17.11te natthīti?17.12Na hevaṁ vattabbe …pe….

18.1Na vattabbaṁ—18.2“anāgatā uppādino dhammā—18.3te atthī”ti?18.4Āmantā.18.5Nanu anāgatā uppādino dhammā uppajjissantīti?18.6Āmantā.18.7Hañci anāgatā uppādino dhammā uppajjissanti, tena vata re vattabbe—18.8“anāgatā uppādino dhammā—18.9te atthī”ti.

19.1Anāgatā uppādino dhammā uppajjissantīti katvā te atthīti?19.2Āmantā.19.3Uppajjissantīti katvā paccuppannāti?19.4Na hevaṁ vattabbe …pe…19.5uppajjissantīti katvā paccuppannāti?19.6Āmantā.19.7Paccuppannā dhammā nirujjhissantīti katvā te natthīti?19.8Na hevaṁ vattabbe …pe….

19.9Ekaccaṁ atthītikathā niṭṭhitā.