1.1Buddhassa bhagavato uccārapassāvo ativiya aññe gandhajāte adhiggaṇhātīti?1.2Āmantā.1.3Bhagavā gandhabhojīti?1.4Na hevaṁ vattabbe …pe…1.5nanu bhagavā odanakummāsaṁ bhuñjatīti?1.6Āmantā.1.7Hañci bhagavā odanakummāsaṁ bhuñjati, no ca vata re vattabbe—1.8“buddhassa bhagavato uccārapassāvo ativiya aññe gandhajāte adhiggaṇhātī”ti.

2.1Buddhassa bhagavato uccārapassāvo ativiya aññe gandhajāte adhiggaṇhātīti?2.2Āmantā.2.3Atthi keci buddhassa bhagavato uccārapassāvaṁ nhāyanti vilimpanti ucchādenti peḷāya paṭisāmenti karaṇḍāya nikkhipanti āpaṇe pasārenti, tena ca gandhena gandhakaraṇīyaṁ karontīti?2.4Na hevaṁ vattabbe …pe….

2.5Gandhajātikathā niṭṭhitā.