1.1Atthi antarābhavoti?1.2Āmantā.1.3Kāmabhavoti?1.4Na hevaṁ vattabbe …pe…1.5atthi antarābhavoti?1.6Āmantā.1.7Rūpabhavoti?1.8Na hevaṁ vattabbe …pe…1.9atthi antarābhavoti?1.10Āmantā.1.11Arūpabhavoti?1.12Na hevaṁ vattabbe …pe…1.13atthi antarābhavoti?1.14Āmantā.1.15Kāmabhavassa ca rūpabhavassa ca antare atthi antarābhavoti?1.16Na hevaṁ vattabbe …pe…1.17atthi antarābhavoti?1.18Āmantā.1.19Rūpabhavassa ca arūpabhavassa ca antare atthi antarābhavoti?1.20Na hevaṁ vattabbe …pe….

2.1Kāmabhavassa ca rūpabhavassa ca antare natthi antarābhavoti?2.2Āmantā.2.3Hañci kāmabhavassa ca rūpabhavassa ca antare natthi antarābhavo, no ca vata re vattabbe—2.4“atthi antarābhavo”ti.2.5Rūpabhavassa ca arūpabhavassa ca antare natthi antarābhavoti?2.6Āmantā.2.7Hañci rūpabhavassa ca arūpabhavassa ca antare natthi antarābhavo, no ca vata re vattabbe—2.8“atthi antarābhavo”ti.

3.1Atthi antarābhavoti?3.2Āmantā.3.3Pañcamī sā yoni, chaṭṭhamī sā gati, aṭṭhamī sā viññāṇaṭṭhiti, dasamo so sattāvāsoti?3.4Na hevaṁ vattabbe …pe…3.5atthi antarābhavoti?3.6Āmantā.3.7Antarābhavo bhavo gati sattāvāso saṁsāro yoni viññāṇaṭṭhiti attabhāvapaṭilābhoti?3.8Na hevaṁ vattabbe …pe…3.9atthi antarābhavūpagaṁ kammanti?3.10Na hevaṁ vattabbe …pe…3.11atthi antarābhavūpagā sattāti?3.12Na hevaṁ vattabbe …pe…3.13antarābhave sattā jāyanti jīyanti mīyanti cavanti upapajjantīti?3.14Na hevaṁ vattabbe …pe…3.15antarābhave atthi rūpaṁ vedanā saññā saṅkhārā viññāṇanti?3.16Na hevaṁ vattabbe …pe…3.17antarābhavo pañcavokārabhavoti?3.18Na hevaṁ vattabbe …pe….

4.1Atthi kāmabhavo, kāmabhavo bhavo gati sattāvāso saṁsāro yoni viññāṇaṭṭhiti attabhāvapaṭilābhoti?4.2Āmantā.4.3Atthi antarābhavo, antarābhavo bhavo gati sattāvāso saṁsāro yoni viññāṇaṭṭhiti attabhāvapaṭilābhoti?4.4Na hevaṁ vattabbe …pe…4.5atthi kāmabhavūpagaṁ kammanti?4.6Āmantā.4.7Atthi antarābhavūpagaṁ kammanti?4.8Na hevaṁ vattabbe …pe…4.9atthi kāmabhavūpagā sattāti?4.10Āmantā.4.11Atthi antarābhavūpagā sattāti?4.12Na hevaṁ vattabbe …pe…4.13kāmabhave sattā jāyanti jīyanti mīyanti cavanti upapajjantīti?4.14Āmantā.4.15Antarābhave sattā jāyanti jīyanti mīyanti cavanti upapajjantīti?4.16Na hevaṁ vattabbe …pe…4.17kāmabhave atthi rūpaṁ vedanā saññā saṅkhārā viññāṇanti?4.18Āmantā.4.19Antarābhave atthi rūpaṁ vedanā saññā saṅkhārā viññāṇanti?4.20Na hevaṁ vattabbe …pe…4.21kāmabhavo pañcavokārabhavoti?4.22Āmantā.4.23Antarābhavo pañcavokārabhavoti?4.24Na hevaṁ vattabbe …pe….

5.1Atthi rūpabhavo, rūpabhavo bhavo gati sattāvāso saṁsāro yoni viññāṇaṭṭhiti attabhāvapaṭilābhoti?5.2Āmantā.5.3Atthi antarābhavo, antarābhavo bhavo gati sattāvāso saṁsāro yoni viññāṇaṭṭhiti attabhāvapaṭilābhoti?5.4Na hevaṁ vattabbe …pe…5.5atthi rūpabhavūpagaṁ kammanti?5.6Āmantā.5.7Atthi antarābhavūpagaṁ kammanti?5.8Na hevaṁ vattabbe …pe…5.9atthi rūpabhavūpagā sattāti?5.10Āmantā.5.11Atthi antarābhavūpagā sattāti?5.12Na hevaṁ vattabbe …pe…5.13rūpabhave sattā jāyanti jīyanti mīyanti cavanti upapajjantīti?5.14Āmantā.5.15Antarābhave sattā jāyanti jīyanti mīyanti cavanti upapajjantīti?5.16Na hevaṁ vattabbe …pe…5.17rūpabhave atthi rūpaṁ vedanā saññā saṅkhārā viññāṇanti?5.18Āmantā.5.19Antarābhave atthi rūpaṁ vedanā saññā saṅkhārā viññāṇanti?5.20Na hevaṁ vattabbe …pe…5.21rūpabhavo pañcavokārabhavoti?5.22Āmantā.5.23Antarābhavo pañcavokārabhavoti?5.24Na hevaṁ vattabbe …pe….

6.1Atthi arūpabhavo, arūpabhavo bhavo gati sattāvāso saṁsāro yoni viññāṇaṭṭhiti attabhāvapaṭilābhoti?6.2Āmantā.6.3Atthi antarābhavo, antarābhavo bhavo gati sattāvāso saṁsāro yoni viññāṇaṭṭhiti attabhāvapaṭilābhoti?6.4Na hevaṁ vattabbe …pe…6.5atthi arūpabhavūpagaṁ kammanti?6.6Āmantā.6.7Atthi antarābhavūpagaṁ kammanti?6.8Na hevaṁ vattabbe …pe…6.9atthi arūpabhavūpagā sattāti?6.10Āmantā.6.11Atthi antarābhavūpagā sattāti?6.12Na hevaṁ vattabbe …pe…6.13arūpabhave sattā jāyanti jīyanti mīyanti cavanti upapajjantīti?6.14Āmantā.6.15Antarābhave sattā jāyanti jīyanti mīyanti cavanti upapajjantīti?6.16Na hevaṁ vattabbe …pe…6.17arūpabhave atthi vedanā saññā saṅkhārā viññāṇanti?6.18Āmantā.6.19Antarābhave atthi vedanā saññā saṅkhārā viññāṇanti?6.20Na hevaṁ vattabbe …pe…6.21arūpabhavo catuvokārabhavoti?6.22Āmantā.6.23Antarābhavo catuvokārabhavoti?6.24Na hevaṁ vattabbe …pe….

7.1Atthi antarābhavoti?7.2Āmantā.7.3Sabbesaññeva sattānaṁ atthi antarābhavoti?7.4Na hevaṁ vattabbe …pe…7.5sabbesaññeva sattānaṁ natthi antarābhavoti?7.6Āmantā.7.7Hañci sabbesaññeva sattānaṁ natthi antarābhavo, no ca vata re vattabbe—7.8“atthi antarābhavo”ti.

8.1Atthi antarābhavoti?8.2Āmantā.8.3Ānantariyassa puggalassa atthi antarābhavoti?8.4Na hevaṁ vattabbe …pe…8.5ānantariyassa puggalassa natthi antarābhavoti?8.6Āmantā.8.7Hañci ānantariyassa puggalassa natthi antarābhavo, no ca vata re vattabbe—8.8“atthi antarābhavo”ti.

9.1Na ānantariyassa puggalassa atthi antarābhavoti?9.2Āmantā.9.3Ānantariyassa puggalassa atthi antarābhavoti?9.4Na hevaṁ vattabbe …pe…9.5ānantariyassa puggalassa natthi antarābhavoti?9.6Āmantā.9.7Na ānantariyassa puggalassa natthi antarābhavoti?9.8Na hevaṁ vattabbe …pe…9.9nirayūpagassa puggalassa …pe…9.10asaññasattūpagassa puggalassa …pe…9.11arūpūpagassa puggalassa atthi antarābhavoti?9.12Na hevaṁ vattabbe …pe…9.13arūpūpagassa puggalassa natthi antarābhavoti?9.14Āmantā.9.15Hañci arūpūpagassa puggalassa natthi antarābhavo, no ca vata re vattabbe—9.16“atthi antarābhavo”ti.

10.1Na arūpūpagassa puggalassa atthi antarābhavoti?10.2Āmantā.10.3Arūpūpagassa puggalassa atthi antarābhavoti?10.4Na hevaṁ vattabbe …pe…10.5arūpūpagassa puggalassa natthi antarābhavoti?10.6Āmantā.10.7Na arūpūpagassa puggalassa natthi antarābhavoti?10.8Na hevaṁ vattabbe …pe….

11.1Na vattabbaṁ atthi antarābhavoti?11.2Āmantā.11.3Nanu antarāparinibbāyī puggalo atthīti?11.4Āmantā.11.5Hañci antarāparinibbāyī puggalo atthi, tena vata re vattabbe—11.6“atthi antarābhavo”ti.

12.1Antarāparinibbāyī puggalo atthīti katvā atthi antarābhavoti?12.2Āmantā.12.3Upahaccaparinibbāyī puggalo atthīti katvā atthi upahaccabhavoti?12.4Na hevaṁ vattabbe …pe…12.5antarāparinibbāyī puggalo atthīti katvā atthi antarābhavoti?12.6Āmantā.12.7Asaṅkhāraparinibbāyī puggalo …pe…12.8sasaṅkhāraparinibbāyī puggalo atthīti katvā atthi sasaṅkhārabhavoti?12.9Na hevaṁ vattabbe …pe….

12.10Antarābhavakathā niṭṭhitā.