1.1Kusalena cittena samuṭṭhitaṁ kāyakammaṁ rūpaṁ kusalanti?1.2Āmantā.1.3Sārammaṇaṁ, atthi tassa āvaṭṭanā ābhogo samannāhāro manasikāro cetanā patthanā paṇidhīti?1.4Na hevaṁ vattabbe …pe…1.5nanu anārammaṇaṁ, natthi tassa āvaṭṭanā ābhogo samannāhāro manasikāro cetanā patthanā paṇidhīti?1.6Āmantā.1.7Hañci anārammaṇaṁ, natthi tassa āvaṭṭanā …pe… paṇidhīti, no ca vata re vattabbe—1.8“kusalena cittena samuṭṭhitaṁ kāyakammaṁ rūpaṁ kusalan”ti.

2.1Kusalena cittena samuṭṭhito phasso kusalo sārammaṇo, atthi tassa āvaṭṭanā …pe… paṇidhīti?2.2Āmantā.2.3Kusalena cittena samuṭṭhitaṁ kāyakammaṁ rūpaṁ kusalaṁ sārammaṇaṁ, atthi tassa āvaṭṭanā …pe… paṇidhīti?2.4Na hevaṁ vattabbe …pe…2.5kusalena cittena samuṭṭhitā vedanā …pe…2.6saññā …2.7cetanā …2.8saddhā …2.9vīriyaṁ …2.10sati …2.11samādhi …pe…2.12paññā kusalā sārammaṇā, atthi tāya āvaṭṭanā …pe… paṇidhīti?2.13Āmantā.2.14Kusalena cittena samuṭṭhitaṁ kāyakammaṁ rūpaṁ kusalaṁ sārammaṇaṁ, atthi tassa āvaṭṭanā …pe… paṇidhīti?2.15Na hevaṁ vattabbe …pe….

3.1Kusalena cittena samuṭṭhitaṁ kāyakammaṁ rūpaṁ kusalaṁ anārammaṇaṁ, natthi tassa āvaṭṭanā …pe… paṇidhīti?3.2Āmantā.3.3Kusalena cittena samuṭṭhito phasso kusalo anārammaṇo, natthi tassa āvaṭṭanā …pe… paṇidhīti?3.4Na hevaṁ vattabbe …pe…3.5kusalena cittena samuṭṭhitaṁ kāyakammaṁ rūpaṁ kusalaṁ anārammaṇaṁ, natthi tassa āvaṭṭanā …pe… paṇidhīti?3.6Āmantā.3.7Kusalena cittena samuṭṭhitā vedanā …pe…3.8saññā …3.9cetanā …3.10saddhā …3.11vīriyaṁ …3.12sati …3.13samādhi …pe…3.14paññā kusalā anārammaṇā, natthi tāya āvaṭṭanā …pe… paṇidhīti?3.15Na hevaṁ vattabbe …pe….

4.1Kusalena cittena samuṭṭhitaṁ kāyakammaṁ rūpaṁ kusalanti?4.2Āmantā.4.3Yaṁ kiñci kusalena cittena samuṭṭhitaṁ rūpaṁ sabbaṁ taṁ kusalanti?4.4Na hevaṁ vattabbe …pe….

5.1Kusalena cittena samuṭṭhitaṁ kāyakammaṁ rūpaṁ kusalanti?5.2Āmantā.5.3Kusalena cittena samuṭṭhitaṁ rūpāyatanaṁ kusalanti?5.4Na hevaṁ vattabbe …pe…5.5kusalena cittena samuṭṭhitaṁ kāyakammaṁ rūpaṁ kusalanti?5.6Āmantā.5.7Kusalena cittena samuṭṭhitaṁ saddāyatanaṁ …pe…5.8gandhāyatanaṁ …5.9rasāyatanaṁ …5.10phoṭṭhabbāyatanaṁ …pe…5.11pathavīdhātu …5.12āpodhātu …5.13tejodhātu …pe…5.14vāyodhātu kusalāti?5.15Na hevaṁ vattabbe …pe….

6.1Kusalena cittena samuṭṭhitaṁ rūpāyatanaṁ abyākatanti?6.2Āmantā.6.3Kusalena cittena samuṭṭhitaṁ kāyakammaṁ rūpaṁ abyākatanti?6.4Na hevaṁ vattabbe …pe…6.5kusalena cittena samuṭṭhitaṁ saddāyatanaṁ …pe…6.6gandhāyatanaṁ …6.7rasāyatanaṁ …6.8phoṭṭhabbāyatanaṁ …pe…6.9pathavīdhātu …6.10āpodhātu …6.11tejodhātu …pe…6.12vāyodhātu abyākatāti?6.13Āmantā.6.14Kusalena cittena samuṭṭhitaṁ kāyakammaṁ rūpaṁ abyākatanti?6.15Na hevaṁ vattabbe …pe….

7.1Kusalena cittena samuṭṭhitaṁ kāyakammaṁ rūpaṁ anārammaṇaṁ kusalanti?7.2Āmantā.7.3Kusalena cittena samuṭṭhitaṁ rūpāyatanaṁ anārammaṇaṁ kusalanti?7.4Na hevaṁ vattabbe …pe…7.5kusalena cittena samuṭṭhitaṁ kāyakammaṁ rūpaṁ anārammaṇaṁ kusalanti?7.6Āmantā.7.7Kusalena cittena samuṭṭhitaṁ saddāyatanaṁ …pe…7.8gandhāyatanaṁ …7.9rasāyatanaṁ …7.10phoṭṭhabbāyatanaṁ …pe…7.11pathavīdhātu …7.12āpodhātu …7.13tejodhātu …pe…7.14vāyodhātu anārammaṇā kusalāti?7.15Na hevaṁ vattabbe …pe….

8.1Kusalena cittena samuṭṭhitaṁ rūpāyatanaṁ anārammaṇaṁ abyākatanti?8.2Āmantā.8.3Kusalena cittena samuṭṭhitaṁ kāyakammaṁ rūpaṁ anārammaṇaṁ abyākatanti?8.4Na hevaṁ vattabbe …pe…8.5kusalena cittena samuṭṭhitaṁ saddāyatanaṁ …pe…8.6gandhāyatanaṁ …8.7rasāyatanaṁ …8.8phoṭṭhabbāyatanaṁ …pe…8.9pathavīdhātu …8.10āpodhātu …8.11tejodhātu …pe…8.12vāyodhātu anārammaṇā abyākatāti?8.13Āmantā.8.14Kusalena cittena samuṭṭhitaṁ kāyakammaṁ rūpaṁ anārammaṇaṁ abyākatanti?8.15Na hevaṁ vattabbe …pe….

9.1Kusalena cittena samuṭṭhitaṁ kāyakammaṁ rūpaṁ phassavippayuttaṁ kusalanti?9.2Āmantā.9.3Kusalena cittena samuṭṭhitaṁ rūpāyatanaṁ phassavippayuttaṁ kusalanti?9.4Na hevaṁ vattabbe …pe…9.5kusalena cittena samuṭṭhitaṁ kāyakammaṁ rūpaṁ phassavippayuttaṁ kusalanti?9.6Āmantā.9.7Kusalena cittena samuṭṭhitaṁ saddāyatanaṁ …pe…9.8gandhāyatanaṁ …9.9rasāyatanaṁ …9.10phoṭṭhabbāyatanaṁ …pe…9.11pathavīdhātu …9.12āpodhātu …9.13tejodhātu …pe…9.14vāyodhātu phassavippayuttā kusalāti?9.15Na hevaṁ vattabbe …pe….

10.1Kusalena cittena samuṭṭhitaṁ rūpāyatanaṁ phassavippayuttaṁ abyākatanti?10.2Āmantā.10.3Kusalena cittena samuṭṭhitaṁ kāyakammaṁ rūpaṁ phassavippayuttaṁ abyākatanti?10.4Na hevaṁ vattabbe …pe…10.5kusalena cittena samuṭṭhitaṁ saddāyatanaṁ …pe…10.6gandhāyatanaṁ …10.7rasāyatanaṁ …10.8phoṭṭhabbāyatanaṁ …pe…10.9pathavīdhātu …10.10āpodhātu …10.11tejodhātu …pe…10.12vāyodhātu phassavippayuttā abyākatāti?10.13Āmantā.10.14Kusalena cittena samuṭṭhitaṁ kāyakammaṁ rūpaṁ phassavippayuttaṁ abyākatanti?10.15Na hevaṁ vattabbe …pe….

11.1Kusalena cittena samuṭṭhitaṁ kāyakammaṁ rūpaṁ anārammaṇaṁ phassavippayuttaṁ kusalanti?11.2Āmantā.11.3Kusalena cittena samuṭṭhitaṁ rūpāyatanaṁ anārammaṇaṁ phassavippayuttaṁ kusalanti?11.4Na hevaṁ vattabbe …pe…11.5kusalena cittena samuṭṭhitaṁ kāyakammaṁ rūpaṁ anārammaṇaṁ phassavippayuttaṁ kusalanti?11.6Āmantā.11.7Kusalena cittena samuṭṭhitaṁ saddāyatanaṁ …pe…11.8gandhāyatanaṁ …11.9rasāyatanaṁ …11.10phoṭṭhabbāyatanaṁ …pe…11.11pathavīdhātu …11.12āpodhātu …11.13tejodhātu …pe…11.14vāyodhātu anārammaṇā phassavippayuttā kusalāti?11.15Na hevaṁ vattabbe …pe….

12.1Kusalena cittena samuṭṭhitaṁ rūpāyatanaṁ anārammaṇaṁ phassavippayuttaṁ abyākatanti?12.2Āmantā.12.3Kusalena cittena samuṭṭhitaṁ kāyakammaṁ rūpaṁ anārammaṇaṁ phassavippayuttaṁ abyākatanti?12.4Na hevaṁ vattabbe …pe…12.5kusalena cittena samuṭṭhitaṁ saddāyatanaṁ …pe…12.6gandhāyatanaṁ …12.7rasāyatanaṁ …12.8phoṭṭhabbāyatanaṁ …pe…12.9pathavīdhātu …12.10āpodhātu …12.11tejodhātu …pe…12.12vāyodhātu anārammaṇā phassavippayuttā abyākatāti?12.13Āmantā.12.14Kusalena cittena samuṭṭhitaṁ kāyakammaṁ rūpaṁ anārammaṇaṁ phassavippayuttaṁ abyākatanti?12.15Na hevaṁ vattabbe …pe….

13.1Kusalena cittena samuṭṭhitaṁ vacīkammaṁ rūpaṁ kusalanti?13.2Āmantā.13.3Sārammaṇaṁ, atthi tassa āvaṭṭanā …pe… paṇidhīti?13.4Na hevaṁ vattabbe …pe…13.5nanu anārammaṇaṁ, natthi tassa āvaṭṭanā …pe… paṇidhīti?13.6Āmantā.13.7Hañci anārammaṇaṁ, natthi tassa āvaṭṭanā …pe… paṇidhi;13.8no ca vata re vattabbe—13.9“kusalena cittena samuṭṭhitaṁ vacīkammaṁ rūpaṁ kusalan”ti.

14.1Kusalena cittena samuṭṭhito phasso kusalo sārammaṇo, atthi tassa āvaṭṭanā …pe… paṇidhīti?14.2Āmantā.14.3Kusalena cittena samuṭṭhitaṁ vacīkammaṁ rūpaṁ kusalaṁ sārammaṇaṁ, atthi tassa āvaṭṭanā …pe… paṇidhīti?14.4Na hevaṁ vattabbe …pe…14.5kusalena cittena samuṭṭhitā vedanā …pe…14.6saññā …14.7cetanā …14.8saddhā …14.9vīriyaṁ …14.10sati …14.11samādhi …pe…14.12paññā kusalā sārammaṇā, atthi tāya āvaṭṭanā …pe… paṇidhīti?14.13Āmantā.14.14Kusalena cittena samuṭṭhitaṁ vacīkammaṁ rūpaṁ kusalaṁ sārammaṇaṁ, atthi tassa āvaṭṭanā …pe… paṇidhīti?14.15Na hevaṁ vattabbe …pe….

15.1Kusalena cittena samuṭṭhitaṁ vacīkammaṁ rūpaṁ kusalaṁ anārammaṇaṁ, natthi tassa āvaṭṭanā …pe… paṇidhīti?15.2Āmantā.15.3Kusalena cittena samuṭṭhito phasso kusalo anārammaṇo, natthi tassa āvaṭṭanā …pe… paṇidhīti?15.4Na hevaṁ vattabbe …pe…15.5kusalena cittena samuṭṭhitaṁ vacīkammaṁ rūpaṁ kusalaṁ anārammaṇaṁ, natthi tassa āvaṭṭanā …pe… paṇidhīti?15.6Āmantā.15.7Kusalena cittena samuṭṭhitā vedanā …pe…15.8saññā …15.9cetanā …15.10saddhā …15.11vīriyaṁ …15.12sati …15.13samādhi …pe…15.14paññā kusalā anārammaṇā, natthi tāya āvaṭṭanā …pe… paṇidhīti?15.15Na hevaṁ vattabbe …pe….

16.1Kusalena cittena samuṭṭhitaṁ vacīkammaṁ rūpaṁ kusalanti?16.2Āmantā.16.3Yaṁ kiñci kusalena cittena samuṭṭhitaṁ rūpaṁ sabbaṁ taṁ kusalanti?16.4Na hevaṁ vattabbe …pe…16.5yathā kāyakammaṁ tathā vacīkammanti.

17.1Akusalena cittena samuṭṭhitaṁ kāyakammaṁ rūpaṁ akusalanti?17.2Āmantā.17.3Sārammaṇaṁ, atthi tassa āvaṭṭanā ābhogo samannāhāro manasikāro cetanā patthanā paṇidhīti?17.4Na hevaṁ vattabbe …pe…17.5nanu anārammaṇaṁ, natthi tassa āvaṭṭanā ābhogo samannāhāro manasikāro cetanā patthanā paṇidhīti?17.6Āmantā.17.7Hañci anārammaṇaṁ, natthi tassa āvaṭṭanā ābhogo samannāhāro manasikāro cetanā patthanā paṇidhi;17.8no ca vata re vattabbe—17.9“akusalena cittena samuṭṭhitaṁ kāyakammaṁ rūpaṁ akusalan”ti.

18.1Akusalena cittena samuṭṭhito phasso akusalo sārammaṇo, atthi tassa āvaṭṭanā …pe… paṇidhīti?18.2Āmantā.18.3Akusalena cittena samuṭṭhitaṁ kāyakammaṁ rūpaṁ akusalaṁ sārammaṇaṁ, atthi tassa āvaṭṭanā …pe… paṇidhīti?18.4Na hevaṁ vattabbe …pe…18.5akusalena cittena samuṭṭhitā vedanā …pe…18.6saññā …18.7cetanā …18.8rāgo …18.9doso …18.10moho …18.11māno …18.12diṭṭhi …18.13vicikicchā …18.14thinaṁ …18.15uddhaccaṁ …18.16ahirikaṁ …pe…18.17anottappaṁ akusalaṁ sārammaṇaṁ, atthi tassa āvaṭṭanā …pe… paṇidhīti?18.18Āmantā.18.19Akusalena cittena samuṭṭhitaṁ kāyakammaṁ rūpaṁ akusalaṁ sārammaṇaṁ, atthi tassa āvaṭṭanā …pe… paṇidhīti?18.20Na hevaṁ vattabbe …pe….

19.1Akusalena cittena samuṭṭhitaṁ kāyakammaṁ rūpaṁ akusalaṁ anārammaṇaṁ, natthi tassa āvaṭṭanā …pe… paṇidhīti?19.2Āmantā.19.3Akusalena cittena samuṭṭhito phasso akusalo anārammaṇo, natthi tassa āvaṭṭanā …pe… paṇidhīti?19.4Na hevaṁ vattabbe …pe…19.5akusalena cittena samuṭṭhitaṁ kāyakammaṁ rūpaṁ akusalaṁ anārammaṇaṁ, natthi tassa āvaṭṭanā …pe… paṇidhīti?19.6Āmantā.19.7Akusalena cittena samuṭṭhitā vedanā …pe…19.8saññā …19.9cetanā …19.10rāgo …19.11doso …19.12moho …19.13māno …19.14diṭṭhi …19.15vicikicchā …19.16thinaṁ …19.17uddhaccaṁ …19.18ahirikaṁ …pe…19.19anottappaṁ akusalaṁ anārammaṇaṁ, natthi tassa āvaṭṭanā …pe… paṇidhīti?19.20Na hevaṁ vattabbe …pe….

20.1Akusalena cittena samuṭṭhitaṁ kāyakammaṁ rūpaṁ akusalanti?20.2Āmantā.20.3Yaṁ kiñci akusalena cittena samuṭṭhitaṁ rūpaṁ sabbaṁ taṁ akusalanti?20.4Na hevaṁ vattabbe …pe….

21.1Akusalena cittena samuṭṭhitaṁ vacīkammaṁ rūpaṁ akusalanti?21.2Āmantā.21.3Sārammaṇaṁ, atthi tassa āvaṭṭanā …pe… paṇidhīti?21.4Na hevaṁ vattabbe …pe…21.5nanu anārammaṇaṁ, natthi tassa āvaṭṭanā …pe… paṇidhīti?21.6Āmantā.21.7Hañci anārammaṇaṁ, natthi tassa āvaṭṭanā …pe… paṇidhi;21.8no ca vata re vattabbe—21.9“akusalena cittena samuṭṭhitaṁ vacīkammaṁ rūpaṁ akusalan”ti.

22.1Akusalena cittena samuṭṭhito phasso akusalo sārammaṇo, atthi tassa āvaṭṭanā …pe… paṇidhīti?22.2Āmantā.22.3Akusalena cittena samuṭṭhitaṁ vacīkammaṁ rūpaṁ akusalaṁ sārammaṇaṁ, atthi tassa āvaṭṭanā …pe… paṇidhīti?22.4Na hevaṁ vattabbe …pe…22.5akusalena cittena samuṭṭhitā vedanā …pe…22.6saññā …22.7cetanā …22.8rāgo …22.9doso …22.10moho …22.11māno …22.12diṭṭhi …22.13vicikicchā …22.14thinaṁ …22.15uddhaccaṁ …22.16ahirikaṁ …pe…22.17anottappaṁ akusalaṁ sārammaṇaṁ, atthi tassa āvaṭṭanā …pe… paṇidhīti?22.18Āmantā.22.19Akusalena cittena samuṭṭhitaṁ vacīkammaṁ rūpaṁ akusalaṁ sārammaṇaṁ, atthi tassa āvaṭṭanā …pe… paṇidhīti?22.20Na hevaṁ vattabbe …pe….

23.1Akusalena cittena samuṭṭhitaṁ vacīkammaṁ rūpaṁ akusalaṁ anārammaṇaṁ, natthi tassa āvaṭṭanā …pe… paṇidhīti?23.2Āmantā.23.3Akusalena cittena samuṭṭhito phasso akusalo anārammaṇo, natthi tassa āvaṭṭanā …pe… paṇidhīti?23.4Na hevaṁ vattabbe …pe…23.5akusalena cittena samuṭṭhitaṁ vacīkammaṁ rūpaṁ akusalaṁ anārammaṇaṁ, natthi tassa āvaṭṭanā …pe… paṇidhīti?23.6Āmantā.23.7Akusalena cittena samuṭṭhitā vedanā …pe…23.8saññā …23.9cetanā …23.10rāgo …23.11doso …23.12moho …23.13māno …23.14diṭṭhi …23.15vicikicchā …23.16thinaṁ …23.17uddhaccaṁ …23.18ahirikaṁ …pe…23.19anottappaṁ akusalaṁ anārammaṇaṁ, natthi tassa āvaṭṭanā …pe… paṇidhīti?23.20Na hevaṁ vattabbe …pe….

24.1Akusalena cittena samuṭṭhitaṁ vacīkammaṁ rūpaṁ akusalanti?24.2Āmantā.24.3Yaṁ kiñci akusalena cittena samuṭṭhitaṁ rūpaṁ sabbaṁ taṁ akusalanti?24.4Na hevaṁ vattabbe …pe….

25.1Akusalena cittena samuṭṭhitaṁ vacīkammaṁ rūpaṁ akusalanti?25.2Āmantā.25.3Akusalena cittena samuṭṭhitaṁ rūpāyatanaṁ akusalanti?25.4Na hevaṁ vattabbe …pe…25.5akusalena cittena samuṭṭhitaṁ vacīkammaṁ rūpaṁ akusalanti?25.6Āmantā.25.7Akusalena cittena samuṭṭhitaṁ saddāyatanaṁ …pe…25.8gandhāyatanaṁ …25.9rasāyatanaṁ …25.10phoṭṭhabbāyatanaṁ …pe…25.11pathavīdhātu …25.12āpodhātu …25.13tejodhātu …pe…25.14vāyodhātu asuci assu lohitaṁ sedo akusaloti?25.15Na hevaṁ vattabbe …pe….

26.1Akusalena cittena samuṭṭhitaṁ rūpāyatanaṁ abyākatanti?26.2Āmantā.26.3Akusalena cittena samuṭṭhitaṁ vacīkammaṁ rūpaṁ abyākatanti?26.4Na hevaṁ vattabbe …pe…26.5akusalena cittena samuṭṭhitaṁ saddāyatanaṁ …pe…26.6gandhāyatanaṁ …26.7rasāyatanaṁ …26.8phoṭṭhabbāyatanaṁ …pe…26.9pathavīdhātu …26.10āpodhātu …26.11tejodhātu …pe…26.12vāyodhātu asuci assu lohitaṁ sedo abyākatoti?26.13Āmantā.26.14Akusalena cittena samuṭṭhitaṁ vacīkammaṁ rūpaṁ abyākatanti?26.15Na hevaṁ vattabbe …pe….

27.1Akusalena cittena samuṭṭhitaṁ vacīkammaṁ rūpaṁ anārammaṇaṁ akusalanti?27.2Āmantā.27.3Akusalena cittena samuṭṭhitaṁ rūpāyatanaṁ anārammaṇaṁ akusalanti?27.4Na hevaṁ vattabbe …pe…27.5akusalena cittena samuṭṭhitaṁ vacīkammaṁ rūpaṁ anārammaṇaṁ akusalanti?27.6Āmantā.27.7Akusalena cittena samuṭṭhitaṁ saddāyatanaṁ …pe…27.8gandhāyatanaṁ …pe…27.9rasāyatanaṁ …pe…27.10phoṭṭhabbāyatanaṁ …27.11pathavīdhātu …27.12āpodhātu …27.13tejodhātu …pe…27.14vāyodhātu asuci assu lohitaṁ sedo anārammaṇo akusaloti?27.15Na hevaṁ vattabbe …pe….

28.1Akusalena cittena samuṭṭhitaṁ rūpāyatanaṁ anārammaṇaṁ abyākatanti?28.2Āmantā.28.3Akusalena cittena samuṭṭhitaṁ vacīkammaṁ rūpaṁ anārammaṇaṁ abyākatanti?28.4Na hevaṁ vattabbe …pe…28.5akusalena cittena samuṭṭhitaṁ saddāyatanaṁ …pe…28.6gandhāyatanaṁ …28.7rasāyatanaṁ …28.8phoṭṭhabbāyatanaṁ …pe…28.9pathavīdhātu …28.10āpodhātu …28.11tejodhātu …pe…28.12vāyodhātu asuci assu lohitaṁ sedo anārammaṇo abyākatoti?28.13Āmantā.28.14Akusalena cittena samuṭṭhitaṁ vacīkammaṁ rūpaṁ anārammaṇaṁ abyākatanti?28.15Na hevaṁ vattabbe …pe….

29.1Akusalena cittena samuṭṭhitaṁ vacīkammaṁ rūpaṁ phassavippayuttaṁ akusalanti?29.2Āmantā.29.3Akusalena cittena samuṭṭhitaṁ rūpāyatanaṁ phassavippayuttaṁ akusalanti?29.4Na hevaṁ vattabbe …pe…29.5akusalena cittena samuṭṭhitaṁ vacīkammaṁ rūpaṁ phassavippayuttaṁ akusalanti?29.6Āmantā.29.7Akusalena cittena samuṭṭhitaṁ saddāyatanaṁ …pe…29.8gandhāyatanaṁ …29.9rasāyatanaṁ …29.10phoṭṭhabbāyatanaṁ …29.11pathavīdhātu …29.12āpodhātu …29.13tejodhātu …pe…29.14vāyodhātu asuci assu lohitaṁ sedo phassavippayutto akusaloti?29.15Na hevaṁ vattabbe …pe….

30.1Akusalena cittena samuṭṭhitaṁ rūpāyatanaṁ phassavippayuttaṁ abyākatanti?30.2Āmantā.30.3Akusalena cittena samuṭṭhitaṁ vacīkammaṁ rūpaṁ anārammaṇaṁ phassavippayuttaṁ abyākatanti?30.4Na hevaṁ vattabbe …pe…30.5akusalena cittena samuṭṭhitaṁ saddāyatanaṁ …pe…30.6gandhāyatanaṁ …30.7rasāyatanaṁ …30.8phoṭṭhabbāyatanaṁ …30.9pathavīdhātu …30.10āpodhātu …30.11tejodhātu …pe…30.12vāyodhātu asuci assu lohitaṁ sedo anārammaṇo phassavippayutto abyākatoti?30.13Āmantā.30.14Akusalena cittena samuṭṭhitaṁ vacīkammaṁ rūpaṁ anārammaṇaṁ phassavippayuttaṁ abyākatanti?30.15Na hevaṁ vattabbe …pe….

31.1Akusalena cittena samuṭṭhitaṁ vacīkammaṁ rūpaṁ anārammaṇaṁ phassavippayuttaṁ akusalanti?31.2Āmantā.31.3Akusalena cittena samuṭṭhitaṁ rūpāyatanaṁ anārammaṇaṁ phassavippayuttaṁ akusalanti?31.4Na hevaṁ vattabbe …pe…31.5akusalena cittena samuṭṭhitaṁ vacīkammaṁ rūpaṁ anārammaṇaṁ phassavippayuttaṁ akusalanti?31.6Āmantā.31.7Akusalena cittena samuṭṭhitaṁ saddāyatanaṁ …pe…31.8gandhāyatanaṁ …31.9rasāyatanaṁ …31.10phoṭṭhabbāyatanaṁ …31.11pathavīdhātu …31.12āpodhātu …31.13tejodhātu …pe…31.14vāyodhātu asuci assu lohitaṁ sedo anārammaṇo phassavippayutto akusaloti?31.15Na hevaṁ vattabbe …pe….

32.1Akusalena cittena samuṭṭhitaṁ rūpāyatanaṁ anārammaṇaṁ phassavippayuttaṁ abyākatanti?32.2Āmantā.32.3Akusalena cittena samuṭṭhitaṁ vacīkammaṁ rūpaṁ anārammaṇaṁ phassavippayuttaṁ abyākatanti?32.4Na hevaṁ vattabbe …pe…32.5akusalena cittena samuṭṭhitaṁ saddāyatanaṁ …pe…32.6gandhāyatanaṁ …32.7rasāyatanaṁ …32.8phoṭṭhabbāyatanaṁ …32.9pathavīdhātu …32.10āpodhātu …32.11tejodhātu …pe…32.12vāyodhātu asuci assu lohitaṁ sedo anārammaṇo phassavippayutto abyākatoti?32.13Āmantā.32.14Akusalena cittena samuṭṭhitaṁ vacīkammaṁ rūpaṁ anārammaṇaṁ phassavippayuttaṁ abyākatanti?32.15Na hevaṁ vattabbe …pe….

33.1Na vattabbaṁ—33.2“rūpaṁ kusalampi akusalampī”ti?33.3Āmantā.33.4Nanu kāyakammaṁ vacīkammaṁ kusalampi akusalampīti?33.5Āmantā.33.6Hañci kāyakammaṁ vacīkammaṁ kusalampi akusalampi, tena vata re vattabbe—33.7“rūpaṁ kusalampi akusalampī”ti.

34.1Rūpaṁ kusalampi akusalampīti?34.2Āmantā.34.3Cakkhāyatanaṁ kusalampi akusalampīti?34.4Na hevaṁ vattabbe …pe…34.5rūpaṁ kusalampi akusalampīti?34.6Āmantā.34.7Sotāyatanaṁ …pe…34.8ghānāyatanaṁ …34.9jivhāyatanaṁ …34.10kāyāyatanaṁ …34.11rūpāyatanaṁ …34.12saddāyatanaṁ …34.13gandhāyatanaṁ …34.14rasāyatanaṁ …34.15phoṭṭhabbāyatanaṁ …34.16pathavīdhātu …34.17āpodhātu …34.18tejodhātu …pe…34.19vāyodhātu asuci assu lohitaṁ sedo kusalopi akusalopīti?34.20Na hevaṁ vattabbe …pe….

35.1Kāyo rūpaṁ, kāyakammaṁ rūpanti?35.2Āmantā.35.3Mano rūpaṁ, manokammaṁ rūpanti?35.4Na hevaṁ vattabbe …pe…35.5mano arūpaṁ, manokammaṁ arūpanti?35.6Āmantā.35.7Kāyo arūpaṁ, kāyakammaṁ arūpanti?35.8Na hevaṁ vattabbe …pe….

36.1Kāyo rūpanti, kāyakammaṁ rūpanti?36.2Āmantā.36.3Cakkhāyatanaṁ rūpanti, cakkhuviññāṇaṁ rūpanti?36.4Na hevaṁ vattabbe …pe…36.5kāyo rūpanti, kāyakammaṁ rūpanti?36.6Āmantā.36.7Sotāyatanaṁ rūpanti, sotaviññāṇaṁ rūpanti?36.8Na hevaṁ vattabbe …pe…36.9kāyo rūpanti, kāyakammaṁ rūpanti?36.10Āmantā.36.11Ghānāyatanaṁ rūpanti, ghānaviññāṇaṁ rūpanti?36.12Na hevaṁ vattabbe …pe…36.13kāyo rūpanti, kāyakammaṁ rūpanti?36.14Āmantā.36.15Jivhāyatanaṁ rūpanti, jivhāviññāṇaṁ rūpanti?36.16Na hevaṁ vattabbe …pe…36.17kāyo rūpanti, kāyakammaṁ rūpanti?36.18Āmantā.36.19Kāyāyatanaṁ rūpanti, kāyaviññāṇaṁ rūpanti?36.20Na hevaṁ vattabbe …pe….

37.1∥Rūpaṁ kammanti?37.2Āmantā.37.3Nanu vuttaṁ bhagavatā—37.4“cetanāhaṁ, bhikkhave, kammaṁ vadāmi;37.5cetayitvā kammaṁ karoti kāyena vācāya manasā”ti.37.6Attheva suttantoti?37.7Āmantā.37.8Tena hi na vattabbaṁ—37.9“rūpaṁ kamman”ti.

38.1∥Rūpaṁ kammanti?38.2Āmantā.38.3Nanu vuttaṁ bhagavatā—38.4“kāye vā, ānanda, sati kāyasañcetanāhetu uppajjati ajjhattaṁ sukhadukkhaṁ;38.5vācāya vā, ānanda, sati vacīsañcetanāhetu uppajjati ajjhattaṁ sukhadukkhaṁ;38.6mane vā, ānanda, sati manosañcetanāhetu uppajjati ajjhattaṁ sukhadukkhan”ti.38.7Attheva suttantoti?38.8Āmantā.38.9Tena hi na vattabbaṁ—38.10“rūpaṁ kamman”ti.

39.1∥Rūpaṁ kammanti?39.2Āmantā.39.3Nanu vuttaṁ bhagavatā—39.4“tividhā, bhikkhave, kāyasañcetanā akusalaṁ kāyakammaṁ dukkhudrayaṁ dukkhavipākaṁ;39.5catubbidhā, bhikkhave, vacīsañcetanā akusalaṁ vacīkammaṁ dukkhudrayaṁ dukkhavipākaṁ;39.6tividhā, bhikkhave, manosañcetanā akusalaṁ manokammaṁ dukkhudrayaṁ dukkhavipākaṁ;39.7tividhā, bhikkhave, kāyasañcetanā kusalaṁ kāyakammaṁ sukhudrayaṁ sukhavipākaṁ;39.8catubbidhā, bhikkhave, vacīsañcetanā kusalaṁ vacīkammaṁ sukhudrayaṁ sukhavipākaṁ;39.9tividhā, bhikkhave, manosañcetanā kusalaṁ manokammaṁ sukhudrayaṁ sukhavipākan”ti.39.10Attheva suttantoti?39.11Āmantā.39.12Tena hi na vattabbaṁ—39.13“rūpaṁ kamman”ti.

40.1∥Rūpaṁ kammanti?40.2Āmantā.40.3Nanu vuttaṁ bhagavatā—40.4“sacāyaṁ, ānanda, samiddhi moghapuriso pāṭaliputtassa paribbājakassa evaṁ puṭṭho evaṁ byākareyya—40.5‘sañcetaniyaṁ, āvuso pāṭaliputta, kammaṁ katvā kāyena vācāya manasā sukhavedaniyaṁ sukhaṁ so vedayati;40.6sañcetaniyaṁ, āvuso pāṭaliputta, kammaṁ katvā kāyena vācāya manasā dukkhavedaniyaṁ dukkhaṁ so vedayati;40.7sañcetaniyaṁ, āvuso pāṭaliputta, kammaṁ katvā kāyena vācāya manasā adukkhamasukhavedaniyaṁ adukkhamasukhaṁ so vedayatī’ti, evaṁ byākaramāno kho, ānanda, samiddhi moghapuriso pāṭaliputtassa paribbājakassa sammā byākaramāno byākareyyā”ti.40.8Attheva suttantoti?40.9Āmantā.40.10Tena hi na vattabbaṁ—40.11“rūpaṁ kamman”ti.

40.12Rūpaṁ kammantikathā niṭṭhitā.