1.1“Bhante nāgasena, ‘panthamakkaṭakassa ekaṁ aṅgaṁ gahetabban’ti yaṁ vadesi, katamaṁ taṁ ekaṁ aṅgaṁ gahetabban”ti?1.2“Yathā, mahārāja, panthamakkaṭako panthe makkaṭajālavitānaṁ katvā yadi tattha jālake laggati kimi vā makkhikā vā paṭaṅgo vā, taṁ gahetvā bhakkhayati;1.3evameva kho, mahārāja, yoginā yogāvacarena chasu dvāresu satipaṭṭhānajālavitānaṁ katvā yadi tattha kilesamakkhikā bajjhanti, tattheva ghātetabbā.1.4Idaṁ, mahārāja, panthamakkaṭakassa ekaṁ aṅgaṁ gahetabbaṁ.1.5Bhāsitampetaṁ, mahārāja, therena anuruddhena—

2.1‘Cittaṁ niyame chasu dvāresu,2.2Satipaṭṭhānavaruttame;2.3Kilesā tattha laggā ce,2.4Hantabbā te vipassinā’”ti.

3.1Panthamakkaṭakaṅgapañho paṭhamo.