True DhammaLibrary · Community
Patthana 14.31 min read

Hetusampayuttaduka

Pāli: Mahāsaṅgīti Tipiṭaka · Public domain (CC0) via SuttaCentral

  • 0.1Paṭṭhānapakaraṇa
  • 0.2Dhammānulomapaccanīya (3), Dukapaṭṭhānapāḷi (2)

0.314.3. Hetusampayuttaduka

1.1Hetusampayuttaṁ dhammaṁ paṭicca nahetusampayutto dhammo uppajjati hetupaccayā. Hetusampayuttaṁ dhammaṁ paṭicca nahetuvippayutto dhammo uppajjati hetupaccayā. Hetusampayuttaṁ dhammaṁ paṭicca nahetusampayutto ca nahetuvippayutto ca dhammā uppajjanti hetupaccayā.

2.1Hetuvippayuttaṁ dhammaṁ paṭicca nahetuvippayutto dhammo uppajjati hetupaccayā. Hetuvippayuttaṁ dhammaṁ paṭicca nahetusampayutto dhammo uppajjati hetupaccayā. Hetuvippayuttaṁ dhammaṁ paṭicca nahetusampayutto ca nahetuvippayutto ca dhammā uppajjanti hetupaccayā.

3.1Hetusampayuttañca hetuvippayuttañca dhammaṁ paṭicca nahetusampayutto dhammo uppajjati hetupaccayā. Hetusampayuttañca hetuvippayuttañca dhammaṁ paṭicca nahetuvippayutto dhammo uppajjati hetupaccayā. Hetusampayuttañca hetuvippayuttañca dhammaṁ paṭicca nahetusampayutto ca nahetuvippayutto ca dhammā uppajjanti hetupaccayā. (Saṅkhittaṁ.)

4.1Hetuyā nava, ārammaṇe cha, adhipatiyā pañca …pe… avigate nava. (Sahajātavārampi …pe… pañhāvārampi vitthāretabbaṁ.)