1.1Saraṇaṁ savitakkasavicāraṁ dhammaṁ paṭicca nasaraṇo nasavitakkasavicāro dhammo uppajjati hetupaccayā … tīṇi.

2.1Araṇaṁ savitakkasavicāraṁ dhammaṁ paṭicca naaraṇo nasavitakkasavicāro dhammo uppajjati hetupaccayā … ekaṁ.

3.1Hetuyā cattāri, ārammaṇe dve …pe… vipāke ekaṁ …pe… avigate cattāri.

4.1Saraṇaṁ avitakkavicāramattaṁ dhammaṁ paṭicca nasaraṇo naavitakkavicāramatto dhammo uppajjati hetupaccayā …. Hetuyā cattāri, ārammaṇe dve …pe… vipāke ekaṁ …pe… avigate cattāri.

5.1Araṇaṁ avitakkaavicāraṁ dhammaṁ paṭicca nasaraṇo naavitakkaavicāro dhammo uppajjati hetupaccayā. Hetuyā ekaṁ …pe… avigate ekaṁ.