True DhammaLibrary · Community
Patthana 22.271 min read

Sanidassanattika, Sahetukaduka

Pāli: Mahāsaṅgīti Tipiṭaka · Public domain (CC0) via SuttaCentral

  • 0.1Paṭṭhānapakaraṇa
  • 0.2Dhammapaccanīyānuloma (4), Tikadukapaṭṭhānapāḷi (4)

0.322.27. Sanidassanattika, Sahetukaduka

1.1Nasanidassanasappaṭighaṁ nasahetukaṁ dhammaṁ paṭicca anidassanaappaṭigho sahetuko dhammo uppajjati hetupaccayā. Naanidassanasappaṭighaṁ nasahetukaṁ dhammaṁ paṭicca anidassanaappaṭigho sahetuko dhammo uppajjati hetupaccayā. Nasanidassanasappaṭighaṁ nasahetukañca naanidassanasappaṭighaṁ nasahetukañca dhammaṁ paṭicca anidassanaappaṭigho sahetuko dhammo uppajjati hetupaccayā. (Saṅkhittaṁ.) Hetuyā tīṇi …pe… avigate tīṇi.

2.1Nasanidassanasappaṭighaṁ naahetukaṁ dhammaṁ paṭicca sanidassanasappaṭigho ahetuko dhammo uppajjati hetupaccayā … satta.

3.1Naanidassanasappaṭighaṁ naahetukaṁ dhammaṁ paṭicca anidassanasappaṭigho ahetuko dhammo uppajjati hetupaccayā … satta.

4.1Nasanidassanasappaṭighaṁ naahetukañca naanidassanasappaṭighaṁ naahetukañca dhammaṁ paṭicca anidassanasappaṭigho ahetuko dhammo uppajjati hetupaccayā … satta. (Saṅkhittaṁ.) Hetuyā ekavīsa, ārammaṇe tīṇi …pe… avigate ekavīsa.