1.1Naappaccayaṁ nahetuṁ dhammaṁ paṭicca sappaccayo hetu dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.

2.1Naappaccayaṁ nanahetuṁ dhammaṁ paṭicca sappaccayo nahetu dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ. (Saṅkhataṁ sappaccayasadisaṁ.)

3.1Nasanidassanaṁ nahetuṁ dhammaṁ paṭicca anidassano hetu dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.

4.1Nasanidassanaṁ nanahetuṁ dhammaṁ paṭicca sanidassano nahetu dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe ekaṁ …pe… avigate tīṇi.

5.1Nasappaṭighaṁ nahetuṁ dhammaṁ paṭicca appaṭigho hetu dhammo uppajjati hetupaccayā. (Saṅkhittaṁ.) Hetuyā ekaṁ …pe… avigate ekaṁ.

6.1Nasappaṭighaṁ nanahetuṁ dhammaṁ paṭicca sappaṭigho nahetu dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe ekaṁ …pe… avigate tīṇi.

7.1Narūpiṁ nahetuṁ dhammaṁ paṭicca arūpī hetu dhammo uppajjati hetupaccayā. (Saṅkhittaṁ.) Hetuyā tīṇi, ārammaṇe tīṇi, adhipatiyā ekaṁ …pe… purejāte āsevane ekaṁ …pe… avigate tīṇi.

8.1Narūpiṁ nanahetuṁ dhammaṁ paṭicca arūpī nahetu dhammo uppajjati hetupaccayā. (Gaṇitakena tīṇi. Saṅkhittaṁ.) Hetuyā tīṇi, ārammaṇe ekaṁ …pe… aññamaññe tīṇi …pe… avigate tīṇi.

9.1Nalokiyaṁ nahetuṁ dhammaṁ paṭicca lokuttaro hetu dhammo uppajjati hetupaccayā … ekaṁ.

10.1Nalokuttaraṁ nahetuṁ dhammaṁ paṭicca lokiyo hetu dhammo uppajjati hetupaccayā … ekaṁ. (Saṅkhittaṁ.) Hetuyā dve …pe… avigate dve.

11.1Nalokiyaṁ nanahetuṁ dhammaṁ paṭicca lokiyo nahetu dhammo uppajjati hetupaccayā … tīṇi.

12.1Nalokuttaraṁ nanahetuṁ dhammaṁ paṭicca lokiyo nahetu dhammo uppajjati hetupaccayā … ekaṁ. (Saṅkhittaṁ.) Hetuyā cattāri, ārammaṇe dve …pe… avigate cattāri.

13.1Nakenaci viññeyyaṁ nahetuṁ dhammaṁ paṭicca kenaci viññeyyo hetu dhammo uppajjati hetupaccayā. (Saṅkhittaṁ.) Hetuyā nava …pe… avigate nava.

14.1Nakenaci naviññeyyaṁ nanahetuṁ dhammaṁ paṭicca kenaci naviññeyyo nahetu dhammo uppajjati hetupaccayā. (Saṅkhittaṁ.) Hetuyā nava …pe… avigate nava.