1.1Nosaññojanaṁ dhammaṁ paṭicca nosaññojano dhammo uppajjati hetupaccayā. Nosaññojanaṁ dhammaṁ paṭicca nanosaññojano dhammo uppajjati hetupaccayā. Nosaññojanaṁ dhammaṁ paṭicca nosaññojano ca nanosaññojano ca dhammā uppajjanti hetupaccayā.

2.1Nanosaññojanaṁ dhammaṁ paṭicca nanosaññojano dhammo uppajjati hetupaccayā. Nanosaññojanaṁ dhammaṁ paṭicca nosaññojano dhammo uppajjati hetupaccayā. Nanosaññojanaṁ dhammaṁ paṭicca nosaññojano ca nanosaññojano ca dhammā uppajjanti hetupaccayā.

3.1Nosaññojanañca nanosaññojanañca dhammaṁ paṭicca nosaññojano dhammo uppajjati hetupaccayā. Nosaññojanañca nanosaññojanañca dhammaṁ paṭicca nanosaññojano dhammo uppajjati hetupaccayā. Nosaññojanañca nanosaññojanañca dhammaṁ paṭicca nosaññojano ca nanosaññojano ca dhammā uppajjanti hetupaccayā. (Saṅkhittaṁ.)

4.1Hetuyā nava, ārammaṇe nava …pe… vipāke ekaṁ …pe… avigate nava. (Sabbattha vitthāro.)