1.1Naganthaniyaṁ dhammaṁ paṭicca naganthaniyo dhammo uppajjati hetupaccayā. Naganthaniyaṁ dhammaṁ paṭicca naaganthaniyo dhammo uppajjati hetupaccayā. Naganthaniyaṁ dhammaṁ paṭicca naganthaniyo ca naaganthaniyo ca dhammā uppajjanti hetupaccayā.

2.1Naaganthaniyaṁ dhammaṁ paṭicca naaganthaniyo dhammo uppajjati hetupaccayā.

3.1Naganthaniyañca naaganthaniyañca dhammaṁ paṭicca naaganthaniyo dhammo uppajjati hetupaccayā. (Saṅkhittaṁ.)

4.1Hetuyā pañca, ārammaṇe dve …pe… avigate pañca. (Sabbattha pañca.)