1.1“Suvaṇṇavaṇṇaṁ sambuddhaṁ,1.2Nisabhājāniyaṁ yathā;1.3Tidhāpabhinnaṁ mātaṅgaṁ,1.4Kuñjaraṁva mahesinaṁ.

2.1Obhāsentaṁ disā sabbā,2.2uḷurājaṁva pūritaṁ;2.3Rathiyaṁ paṭipajjantaṁ,2.4lokajeṭṭhaṁ apassahaṁ.

3.1Ñāṇe cittaṁ pasādetvā,3.2paggahetvāna añjaliṁ;3.3Pasannacitto sumano,3.4siddhatthamabhivādayiṁ.

4.1Catunnavutito kappe,4.2yaṁ kammamakariṁ tadā;4.3Duggatiṁ nābhijānāmi,4.4ñāṇasaññāyidaṁ phalaṁ.

5.1Tesattatimhito kappe,5.2soḷasāsuṁ naruttamā;5.3Sattaratanasampannā,5.4cakkavattī mahabbalā.

6.1PTS 1.141Paṭisambhidā catasso,6.2…pe…6.3kataṁ buddhassa sāsanaṁ”.

7.1Itthaṁ sudaṁ āyasmā ñāṇasaññiko thero imā gāthāyo abhāsitthāti.

8.1Ñāṇasaññikattherassāpadānaṁ dutiyaṁ.