1.1“Nibbute lokamahite,1.2āhutīnaṁ paṭiggahe;1.3Siddhatthamhi bhagavati,1.4mahāthūpamaho ahu.

2.1Mahe pavattamānamhi,2.2siddhatthassa mahesino;2.3Umāpupphaṁ gahetvāna,2.4thūpamhi abhiropayiṁ.

3.1Catunnavutito kappe,3.2yaṁ pupphamabhiropayiṁ;3.3Duggatiṁ nābhijānāmi,3.4thūpapūjāyidaṁ phalaṁ.

4.1Ito ca navame kappe,4.2somadevasanāmakā;4.3Pañcāsītisu rājāno,4.4cakkavattī mahabbalā.

5.1Paṭisambhidā catasso,5.2…pe…5.3kataṁ buddhassa sāsanaṁ”.

6.1Itthaṁ sudaṁ āyasmā umāpupphiyo thero imā gāthāyo abhāsitthāti.

7.1Umāpupphiyattherassāpadānaṁ pañcamaṁ.