1.1“Phussassa kho bhagavato,1.2thūpo āsi mahāvane;1.3Kuñjarehi tadā bhinno,1.4parūḷho pādapo tahiṁ.

2.1Visamañca samaṁ katvā,2.2sudhāpiṇḍaṁ adāsahaṁ;2.3Tilokagaruno tassa,2.4guṇehi paritosito.

3.1Dvenavute ito kappe,3.2yaṁ kammamakariṁ tadā;3.3Duggatiṁ nābhijānāmi,3.4sudhāpiṇḍassidaṁ phalaṁ.

4.1Sattasattatikappamhi,4.2jitasenāsuṁ soḷasa;4.3Sattaratanasampannā,4.4cakkavattī mahabbalā.

5.1Paṭisambhidā catasso,5.2…pe…5.3kataṁ buddhassa sāsanaṁ”.

6.1Itthaṁ sudaṁ āyasmā khaṇḍaphulliyo thero imā gāthāyo abhāsitthāti.

7.1Khaṇḍaphulliyattherassāpadānaṁ tatiyaṁ.