1.1“Aṅkolaṁ pupphitaṁ disvā,1.2mālāvaraṁ sakosakaṁ;1.3Ocinitvāna taṁ pupphaṁ,1.4agamaṁ buddhasantikaṁ.

2.1Siddhattho tamhi samaye,2.2patilīno mahāmuni;2.3Muhuttaṁ paṭimānetvā,2.4guhāyaṁ pupphamokiriṁ.

3.1Catunnavutito kappe,3.2Yaṁ pupphamabhipūjayiṁ;3.3Duggatiṁ nābhijānāmi,3.4Pupphadānassidaṁ phalaṁ.

4.1Chattiṁsamhi ito kappe,4.2āseko devagajjito;4.3Sattaratanasampanno,4.4cakkavattī mahabbalo.

5.1Paṭisambhidā catasso,5.2…pe…5.3kataṁ buddhassa sāsanaṁ”.

6.1Itthaṁ sudaṁ āyasmā aṅkolako thero imā gāthāyo abhāsitthāti.

7.1Aṅkolakattherassāpadānaṁ pañcamaṁ.