1.1“Atthadassissa bhagavato,1.2lokajeṭṭhassa tādino;1.3Ālambaṇaṁ mayā dinnaṁ,1.4dvipadindassa tādino.

2.1Dharaṇiṁ paṭipajjāmi,2.2vipulaṁ sāgarapparaṁ;2.3Pāṇesu ca issariyaṁ,2.4vattemi vasudhāya ca.

3.1Kilesā jhāpitā mayhaṁ,3.2bhavā sabbe samūhatā;3.3Tisso vijjā anuppattā,3.4kataṁ buddhassa sāsanaṁ.

4.1Ito dvesaṭṭhikappamhi,4.2tayo āsiṁsu khattiyā;4.3Ekāpassitanāmā te,4.4cakkavattī mahabbalā.

5.1Paṭisambhidā catasso,5.2vimokkhāpi ca aṭṭhime;5.3Chaḷabhiññā sacchikatā,5.4kataṁ buddhassa sāsanaṁ”.

6.1Itthaṁ sudaṁ āyasmā ālambaṇadāyako thero imā gāthāyo abhāsitthāti.

7.1Ālambaṇadāyakattherassāpadānaṁ paṭhamaṁ.