1.1“Padumuttarassa bhagavato,1.2Bodhiyā pādaputtame;1.3Vedikaṁ sukataṁ katvā,1.4Sakaṁ cittaṁ pasādayiṁ.

2.1Atoḷārāni bhaṇḍāni,2.2katāni akatāni ca;2.3Antalikkhā pavassanti,2.4vedikāya idaṁ phalaṁ.

3.1Ubhato byūḷhasaṅgāme,3.2pakkhandanto bhayānake;3.3Bhayabheravaṁ na passāmi,3.4vedikāya idaṁ phalaṁ.

4.1PTS 2.401Mama saṅkappamaññāya,4.2byamhaṁ nibbattate subhaṁ;4.3Sayanāni mahagghāni,4.4vedikāya idaṁ phalaṁ.

5.1Satasahassito kappe,5.2yaṁ vedikamakārayiṁ;5.3Duggatiṁ nābhijānāmi,5.4vedikāya idaṁ phalaṁ.

6.1Kilesā jhāpitā mayhaṁ,6.2…pe…6.3viharāmi anāsavo.

7.1Svāgataṁ vata me āsi,7.2…pe…7.3kataṁ buddhassa sāsanaṁ.

8.1Paṭisambhidā catasso,8.2…pe…8.3kataṁ buddhassa sāsanaṁ”.

9.1Itthaṁ sudaṁ āyasmā vedikārako thero imā gāthāyo abhāsitthāti.

10.1Vedikārakattherassāpadānaṁ navamaṁ.