1.1“Ajjhāyako mantadharo,1.2tiṇṇaṁ vedāna pāragū;1.3Purakkhatomhi sissehi,1.4upagacchiṁ naruttamaṁ.

2.1Padumuttaro lokavidū,2.2āhutīnaṁ paṭiggaho;2.3Mama kammaṁ pakittesi,2.4saṅkhittena mahāmuni.

3.1Tāhaṁ dhammaṁ suṇitvāna,3.2Abhivādetvāna satthuno;3.3Añjaliṁ paggahetvāna,3.4Pakkamiṁ dakkhiṇāmukho.

4.1Saṅkhittena suṇitvāna,4.2vitthārena abhāsayiṁ;4.3Sabbe sissā attamanā,4.4sutvāna mama bhāsato;4.5Sakaṁ diṭṭhiṁ vinodetvā,4.6buddhe cittaṁ pasādayuṁ.

5.1PTS 1.37Saṅkhittenapi desemi,5.2vitthārena tathevahaṁ;5.3Abhidhammanayaññūhaṁ,5.4kathāvatthuvisuddhiyā;5.5Sabbesaṁ viññāpetvāna,5.6viharāmi anāsavo.

6.1Ito pañcasate kappe,6.2caturo suppakāsakā;6.3Sattaratanasampannā,6.4catudīpamhi issarā.

7.1Paṭisambhidā catasso,7.2vimokkhāpi ca aṭṭhime;7.3Chaḷabhiññā sacchikatā,7.4kataṁ buddhassa sāsanaṁ”.

8.1Itthaṁ sudaṁ āyasmā puṇṇo mantāṇiputto thero imā gāthāyo abhāsitthāti.

9.1Puṇṇamantāṇiputtattherassāpadānaṁ pañcamaṁ.