1.1“Abhikkantena vaṇṇena,1.2yā tvaṁ tiṭṭhasi devate;1.3Obhāsentī disā sabbā,1.4osadhī viya tārakā.

2.1Kena tetādiso vaṇṇo,2.2kena te idha mijjhati;2.3Uppajjanti ca te bhogā,2.4ye keci manaso piyā.

3.1Pucchāmi taṁ devi mahānubhāve,3.2Manussabhūtā kimakāsi puññaṁ;3.3Kenāsi evaṁ jalitānubhāvā,3.4Vaṇṇo ca te sabbadisā pabhāsatī”ti.

4.1Sā devatā attamanā,4.2moggallānena pucchitā;4.3Pañhaṁ puṭṭhā viyākāsi,4.4yassa kammassidaṁ phalaṁ.

5.1“Ahaṁ manussesu manussabhūtā,5.2Suṇisā ahosiṁ sasurassa gehe.

6.1Addasaṁ virajaṁ bhikkhuṁ,6.2vippasannamanāvilaṁ;6.3Tassa adāsahaṁ bhāgaṁ,6.4pasannā sehi pāṇibhi;6.5Kummāsapiṇḍaṁ datvāna,6.6modāmi nandane vane.

7.1Tena metādiso vaṇṇo,7.2tena me idha mijjhati;7.3Uppajjanti ca me bhogā,7.4ye keci manaso piyā.

8.1Akkhāmi te bhikkhu mahānubhāva,8.2Manussabhūtā yamakāsi puññaṁ;8.3Tenamhi evaṁ jalitānubhāvā,8.4Vaṇṇo ca me sabbadisā pabhāsatī”ti.

9.1Dutiyasuṇisāvimānaṁ cuddasamaṁ.