1.1“Ko me vandati pādāni,1.2iddhiyā yasasā jalaṁ;1.3Abhikkantena vaṇṇena,1.4sabbā obhāsayaṁ disā”ti.

2.1“Maṇḍūkohaṁ pure āsiṁ,2.2udake vārigocaro;2.3Tava dhammaṁ suṇantassa,2.4avadhī vacchapālako.

3.1Muhuttaṁ cittapasādassa,3.2iddhiṁ passa yasañca me;3.3Ānubhāvañca me passa,3.4vaṇṇaṁ passa jutiñca me.

4.1Ye ca te dīghamaddhānaṁ,4.2dhammaṁ assosuṁ gotama;4.3Pattā te acalaṭṭhānaṁ,4.4yattha gantvā na socare”ti.

5.1Maṇḍūkadevaputtavimānaṁ paṭhamaṁ.