True DhammaLibrary · Community
Ya 2.3.61 min read

Atītānāgatavāra

Pāli: Mahāsaṅgīti Tipiṭaka · Public domain (CC0) via SuttaCentral

  • 0.12 Khandhayamaka
  • 0.22.3 Pariññāvāra

0.32.3.6. Atītānāgatavāra

1.1Yo rūpakkhandhaṁ parijānittha so vedanākkhandhaṁ parijānissatīti? No.

2.1Yo vā pana vedanākkhandhaṁ parijānissati so rūpakkhandhaṁ parijānitthāti? No.

3.1Yo rūpakkhandhaṁ na parijānittha so vedanākkhandhaṁ na parijānissatīti?

4.1Ye maggaṁ paṭilabhissanti te rūpakkhandhaṁ na parijānittha, no ca vedanākkhandhaṁ na parijānissanti. Aggamaggasamaṅgī ye ca puthujjanā maggaṁ na paṭilabhissanti te rūpakkhandhañca na parijānittha vedanākkhandhañca na parijānissanti.

5.1Yo vā pana vedanākkhandhaṁ na parijānissati so rūpakkhandhaṁ na parijānitthāti?

6.1Arahā vedanākkhandhaṁ na parijānissati, no ca rūpakkhandhaṁ na parijānittha. Aggamaggasamaṅgī ye ca puthujjanā maggaṁ na paṭilabhissanti te vedanākkhandhañca na parijānissanti rūpakkhandhañca na parijānittha.

7.1Pariññāvāro.

8.1Khandhayamakapāḷi niṭṭhitā.