1.1Yassa kāmarāgānusayo uppajjati tassa paṭighānusayo uppajjatīti? Āmantā.

2.1Yassa vā pana paṭighānusayo uppajjati tassa kāmarāgānusayo uppajjatīti? Āmantā.

3.1PTS 1.374Yassa kāmarāgānusayo uppajjati tassa mānānusayo uppajjatīti? Āmantā.

4.1Yassa vā pana mānānusayo uppajjati tassa kāmarāgānusayo uppajjatīti?

5.1Anāgāmissa mānānusayo uppajjati, no ca tassa kāmarāgānusayo uppajjati. Tiṇṇaṁ puggalānaṁ mānānusayo ca uppajjati kāmarāgānusayo ca uppajjati (vitthāretabbaṁ.)

6.1Yassa kāmarāgānusayo nuppajjati tassa paṭighānusayo nuppajjatīti? Āmantā.

7.1Yassa vā pana paṭighānusayo nuppajjati tassa kāmarāgānusayo nuppajjatīti? Āmantā.

8.1Yassa kāmarāgānusayo nuppajjati tassa mānānusayo nuppajjatīti?

9.1Anāgāmissa kāmarāgānusayo nuppajjati, no ca tassa mānānusayo nuppajjati. Arahato kāmarāgānusayo ca nuppajjati mānānusayo ca nuppajjati.

10.1Yassa vā pana mānānusayo nuppajjati tassa kāmarāgānusayo nuppajjatīti? Āmantā. (Vitthāretabbaṁ.)

11.1Uppajjanavāro.