1.1PTS 3.197“Ko nu santamhi pajjote,1.2aggipariyesanaṁ caraṁ;1.3Addakkhi ratti khajjotaṁ,1.4jātavedaṁ amaññatha.

2.1Svassa gomayacuṇṇāni,2.2abhimatthaṁ tiṇāni ca;2.3Viparītāya saññāya,2.4nāsakkhi pajjaletave.

3.1Evampi anupāyena,3.2atthaṁ na labhate migo;3.3Visāṇato gavaṁ dohaṁ,3.4yattha khīraṁ na vindati.

4.1Vividhehi upāyehi,4.2atthaṁ papponti māṇavā;4.3Niggahena amittānaṁ,4.4mittānaṁ paggahena ca.

5.1Senāmokkhapalābhena,5.2vallabhānaṁ nayena ca;5.3Jagatiṁ jagatipālā,5.4āvasanti vasundharan”ti.

6.1Khajjopanakajātakaṁ catutthaṁ.