1.1PTS 3.233PTS 3.234“Mā tāta kujjhi na hi sādhu kodho,1.2Bahumpi te adiṭṭhamassutañca;1.3Mātā pitā disatā setaketu,1.4Ācariyamāhu disataṁ pasatthā.

2.1Agārino annadapānavatthadā,2.2Avhāyikā tampi disaṁ vadanti;2.3Esā disā paramā setaketu,2.4Yaṁ patvā dukkhī sukhino bhavanti”.

3.1PTS 3.236“Kharājinā jaṭilā paṅkadantā,3.2Dummakkharūpā yeme jappanti mante;3.3Kacci nu te mānusake payoge,3.4Idaṁ vidū parimuttā apāyā”.

4.1PTS 3.237“Pāpāni kammāni katvāna rāja,4.2Bahussuto ce na careyya dhammaṁ;4.3Sahassavedopi na taṁ paṭicca,4.4Dukkhā pamucce caraṇaṁ apatvā”.

5.1“Sahassavedopi na taṁ paṭicca,5.2Dukkhā pamucce caraṇaṁ apatvā;5.3Maññāmi vedā aphalā bhavanti,5.4Sasaṁyamaṁ caraṇameva saccaṁ”.

6.1“Na heva vedā aphalā bhavanti,6.2Sasaṁyamaṁ caraṇameva saccaṁ;6.3Kittiñhi pappoti adhicca vede,6.4Santiṁ puṇeti caraṇena danto”ti.

7.1Setaketujātakaṁ dutiyaṁ.