1.1PTS 3.241“Paṅko ca kāmā palipo ca kāmā,1.2Bhayañca metaṁ timūlaṁ pavuttaṁ;1.3Rajo ca dhūmo ca mayā pakāsitā,1.4Hitvā tuvaṁ pabbaja brahmadatta”.

2.1PTS 3.242“Gadhito ca ratto ca adhimucchito ca,2.2Kāmesvahaṁ brāhmaṇa bhiṁsarūpaṁ;2.3Taṁ nussahe jīvikattho pahātuṁ,2.4Kāhāmi puññāni anappakāni”.

3.1PTS 3.243“Yo atthakāmassa hitānukampino,3.2Ovajjamāno na karoti sāsanaṁ;3.3Idameva seyyo iti maññamāno,3.4Punappunaṁ gabbhamupeti mando.

4.1So ghorarūpaṁ nirayaṁ upeti,4.2Subhāsubhaṁ muttakarīsapūraṁ;4.3Sattā sakāye na jahanti giddhā,4.4Ye honti kāmesu avītarāgā”.

5.1PTS 3.244“Mīḷhena littā ruhirena makkhitā,5.2Semhena littā upanikkhamanti;5.3Yaṁ yañhi kāyena phusanti tāvade,5.4Sabbaṁ asātaṁ dukhameva kevalaṁ.

6.1PTS 3.245Disvā vadāmi na hi aññato savaṁ,6.2Pubbenivāsaṁ bahukaṁ sarāmi;6.3Citrāhi gāthāhi subhāsitāhi,6.4Darīmukho nijjhāpayi sumedhan”ti.

7.1Darīmukhajātakaṁ tatiyaṁ.