1.1PTS 3.404“Kodha jāgarataṁ sutto,1.2kodha suttesu jāgaro;1.3Ko mametaṁ vijānāti,1.4ko taṁ paṭibhaṇāti me”.

2.1“Ahaṁ jāgarataṁ sutto,2.2ahaṁ suttesu jāgaro;2.3Ahametaṁ vijānāmi,2.4ahaṁ paṭibhaṇāmi te”.

3.1“Kathaṁ jāgarataṁ sutto,3.2kathaṁ suttesu jāgaro;3.3Kathaṁ etaṁ vijānāsi,3.4kathaṁ paṭibhaṇāsi me”.

4.1“Ye dhammaṁ nappajānanti,4.2saṁyamoti damoti ca;4.3Tesu suppamānesu,4.4ahaṁ jaggāmi devate.

5.1Yesaṁ rāgo ca doso ca,5.2avijjā ca virājitā;5.3Tesu jāgaramānesu,5.4ahaṁ suttosmi devate.

6.1Evaṁ jāgarataṁ sutto,6.2evaṁ suttesu jāgaro;6.3Evametaṁ vijānāmi,6.4evaṁ paṭibhaṇāmi te”.

7.1PTS 3.405“Sādhu jāgarataṁ sutto,7.2sādhu suttesu jāgaro;7.3Sādhumetaṁ vijānāsi,7.4sādhu paṭibhaṇāsi me”ti.

8.1Jāgarajātakaṁ navamaṁ.