1.1PTS 3.408“Na kiratthi anomadassisu,1.2Pāricariyā buddhesu appikā;1.3Sukkhāya aloṇikāya ca,1.4Passaphalaṁ kummāsapiṇḍiyā.

2.1Hatthigavassā cime bahū,2.2Dhanadhaññaṁ pathavī ca kevalā;2.3Nāriyo cimā accharūpamā,2.4Passa phalaṁ kummāsapiṇḍiyā”.

3.1PTS 3.410“Abhikkhaṇaṁ rājakuñjara,3.2Gāthā bhāsasi kosalādhipa;3.3Pucchāmi taṁ raṭṭhavaḍḍhana,3.4Bāḷhaṁ pītimano pabhāsasi”.

4.1PTS 3.411“Imasmiññeva nagare,4.2kule aññatare ahuṁ;4.3Parakammakaro āsiṁ,4.4bhatako sīlasaṁvuto.

5.1Kammāya nikkhamantohaṁ,5.2caturo samaṇeddasaṁ;5.3Ācārasīlasampanne,5.4sītibhūte anāsave.

6.1Tesu cittaṁ pasādetvā,6.2nisīdetvā paṇṇasanthate;6.3Adaṁ buddhāna kummāsaṁ,6.4pasanno sehi pāṇibhi.

7.1Tassa kammassa kusalassa,7.2idaṁ me edisaṁ phalaṁ;7.3Anubhomi idaṁ rajjaṁ,7.4phītaṁ dharaṇimuttamaṁ”.

8.1PTS 3.412“Dadaṁ bhuñja mā ca pamādo,8.2Cakkaṁ vattaya kosalādhipa;8.3Mā rāja adhammiko ahu,8.4Dhammaṁ pālaya kosalādhipa”.

9.1“Sohaṁ tadeva punappunaṁ,9.2Vaṭumaṁ ācarissāmi sobhane;9.3Ariyācaritaṁ sukosale,9.4Arahanto me manāpāva passituṁ.

10.1PTS 3.413Devī viya accharūpamā,10.2Majjhe nārigaṇassa sobhasi;10.3Kiṁ kammamakāsi bhaddakaṁ,10.4Kenāsi vaṇṇavatī sukosale”.

11.1“Ambaṭṭhakulassa khattiya,11.2Dāsyāhaṁ parapesiyā ahuṁ;11.3Saññatā ca dhammajīvinī,11.4Sīlavatī ca apāpadassanā.

12.1Uddhaṭabhattaṁ ahaṁ tadā,12.2Caramānassa adāsi bhikkhuno;12.3Vittā sumanā sayaṁ ahaṁ,12.4Tassa kammassa phalaṁ mamedisan”ti.

13.1Kummāsapiṇḍijātakaṁ dasamaṁ.