1.1PTS 3.491“Dumo yadā hoti phalūpapanno,1.2Bhuñjanti naṁ vihaṅgamā sampatantā;1.3Khīṇanti ñatvāna dumaṁ phalaccaye,1.4Disodisaṁ yanti tato vihaṅgamā.

2.1PTS 3.492Cara cārikaṁ lohitatuṇḍa māmari,2.2Kiṁ tvaṁ suva sukkhadumamhi jhāyasi;2.3Tadiṅgha maṁ brūhi vasantasannibha,2.4Kasmā suva sukkhadumaṁ na riñcasi”.

3.1“Ye ve sakhīnaṁ sakhāro bhavanti,3.2Pāṇaccaye dukkhasukhesu haṁsa;3.3Khīṇaṁ akhīṇampi na taṁ jahanti,3.4Santo sataṁ dhammamanussarantā.

4.1Sohaṁ sataṁ aññatarosmi haṁsa,4.2Ñātī ca me hoti sakhā ca rukkho;4.3Taṁ nussahe jīvikattho pahātuṁ,4.4Khīṇanti ñatvāna na hesa dhammo”.

5.1PTS 3.493“Sādhu sakkhi kataṁ hoti,5.2metti saṁsati santhavo;5.3Sacetaṁ dhammaṁ rocesi,5.4pāsaṁsosi vijānataṁ.

6.1So te suva varaṁ dammi,6.2pattayāna vihaṅgama;6.3Varaṁ varassu vakkaṅga,6.4yaṁ kiñci manasicchasi”.

7.1“Varañca me haṁsa bhavaṁ dadeyya,7.2Ayañca rukkho punarāyuṁ labhetha;7.3So sākhavā phalimā saṁvirūḷho,7.4Madhutthiko tiṭṭhatu sobhamāno”.

8.1“Taṁ passa samma phalimaṁ uḷāraṁ,8.2Sahāva te hotu udumbarena;8.3So sākhavā phalimā saṁvirūḷho,8.4Madhutthiko tiṭṭhatu sobhamāno”.

9.1PTS 3.494“Evaṁ sakka sukhī hohi,9.2saha sabbehi ñātibhi;9.3Yathāhamajja sukhito,9.4disvāna saphalaṁ dumaṁ”.

10.1“Suvassa ca varaṁ datvā,10.2katvāna saphalaṁ dumaṁ;10.3Pakkāmi saha bhariyāya,10.4devānaṁ nandanaṁ vanan”ti.

11.1Mahāsuvajātakaṁ tatiyaṁ.