1.1PTS 5.23“Cirassaṁ vata me udapādi ajja,1.2Bhakkho mahā sattamibhattakāle;1.3Kutosi ko vāsi tadiṅgha brūhi,1.4Ācikkha jātiṁ vidito yathāsi”.

2.1“Pañcālarājā migavaṁ paviṭṭho,2.2Jayaddiso nāma yadissuto te;2.3Carāmi kacchāni vanāni cāhaṁ,2.4Pasadaṁ imaṁ khāda mamajja muñca”.

3.1PTS 5.24“Seneva tvaṁ paṇasi sassamāno,3.2Mamesa bhakkho pasado yaṁ vadesi;3.3Taṁ khādiyāna pasadaṁ jighaññaṁ,3.4Khādissaṁ pacchā na vilāpakālo”.

4.1“Na catthi mokkho mama nikkayena,4.2Gantvāna paccāgamanāya paṇhe;4.3Taṁ saṅgaraṁ brāhmaṇassappadāya,4.4Saccānurakkhī punarāvajissaṁ”.

5.1“Kiṁ kammajātaṁ anutappate tvaṁ,5.2Pattaṁ samīpaṁ maraṇassa rāja;5.3Ācikkha me taṁ api sakkuṇemu,5.4Anujānituṁ āgamanāya paṇhe”.

6.1PTS 5.25“Katā mayā brāhmaṇassa dhanāsā,6.2Taṁ saṅgaraṁ paṭimukkaṁ na muttaṁ;6.3Taṁ saṅgaraṁ brāhmaṇassappadāya,6.4Saccānurakkhī punarāvajissaṁ”.

7.1“Yā te katā brāhmaṇassa dhanāsā,7.2Taṁ saṅgaraṁ paṭimukkaṁ na muttaṁ;7.3Taṁ saṅgaraṁ brāhmaṇassappadāya,7.4Saccānurakkhī punarāvajassu”.

8.1PTS 5.26Mutto ca so porisādassa hatthā,8.2Gantvā sakaṁ mandiraṁ kāmakāmī;8.3Taṁ saṅgaraṁ brāhmaṇassappadāya,8.4Āmantayī puttamalīnasattaṁ.

9.1“Ajjeva rajjaṁ abhisiñcayassu,9.2Dhammaṁ cara sesu paresu cāpi;9.3Adhammakāro ca te māhu raṭṭhe,9.4Gacchāmahaṁ porisādassa ñatte”.

10.1“Kiṁ kamma kubbaṁ tava deva pāva,10.2Nārādhayī taṁ tadicchāmi sotuṁ;10.3Yamajja rajjamhi udassaye tuvaṁ,10.4Rajjampi niccheyyaṁ tayā vināhaṁ”.

11.1“Na kammunā vā vacasā va tāta,11.2Aparādhitohaṁ tuviyaṁ sarāmi;11.3Sandhiñca katvā purisādakena,11.4Saccānurakkhī punāhaṁ gamissaṁ”.

12.1PTS 5.27“Ahaṁ gamissāmi idheva hohi,12.2Natthi tato jīvato vippamokkho;12.3Sace tuvaṁ gacchasiyeva rāja,12.4Ahampi gacchāmi ubho na homa”.

13.1“Addhā hi tāta satānesa dhammo,13.2Maraṇā ca me dukkhataraṁ tadassa;13.3Kammāsapādo taṁ yadā pacitvā,13.4Pasayha khāde bhidā rukkhasūle”.

14.1“Pāṇena te pāṇamahaṁ nimissaṁ,14.2Mā tvaṁ agā porisādassa ñatte;14.3Etañca te pāṇamahaṁ nimissaṁ,14.4Tasmā mataṁ jīvitassa vaṇṇemi”.

15.1PTS 5.28Tato have dhitimā rājaputto,15.2Vanditvā mātu ca pitu ca pāde;15.3Dukhinissa mātā nipatā pathabyā,15.4Pitāssa paggayha bhujāni kandati.

16.1Taṁ gacchantaṁ tāva pitā viditvā,16.2Parammukho vandati pañjalīko;16.3“Somo ca rājā varuṇo ca rājā,16.4Pajāpatī candimā sūriyo ca;16.5Etehi gutto purisādakamhā,16.6Anuññāto sotthi paccehi tāta”.

17.1PTS 5.29“Yaṁ daṇḍakirañño gatassa mātā,17.2Rāmassakāsi sotthānaṁ suguttā;17.3Taṁ te ahaṁ sotthānaṁ karomi,17.4Etena saccena sarantu devā;17.5Anuññāto sotthi paccehi putta”.

18.1“Āvī raho vāpi manopadosaṁ,18.2Nāhaṁ sare jātu malīnasatte;18.3Etena saccena sarantu devā,18.4Anuññāto sotthi paccehi bhātika”.

19.1“Yasmā ca me anadhimanosi sāmi,19.2Na cāpi me manasā appiyosi;19.3Etena saccena sarantu devā,19.4Anuññāto sotthi paccehi sāmi”.

20.1PTS 5.30“Brahā ujū cārumukho kutosi,20.2Na maṁ pajānāsi vane vasantaṁ;20.3Luddaṁ maṁ ñatvā ‘purisādako’ti,20.4Ko sotthimājānamidhāvajeyya”.

21.1“Jānāmi ludda purisādako tvaṁ,21.2Na taṁ na jānāmi vane vasantaṁ;21.3Ahañca puttosmi jayaddisassa,21.4Mamajja khāda pituno pamokkhā”.

22.1PTS 5.31“Jānāmi puttoti jayaddisassa,22.2Tathā hi vo mukhavaṇṇo ubhinnaṁ;22.3Sudukkaraññeva kataṁ tavedaṁ,22.4Yo mattumicche pituno pamokkhā”.

23.1“Na dukkaraṁ kiñci mahettha maññe,23.2Yo mattumicche pituno pamokkhā;23.3Mātu ca hetu paraloka gantvā,23.4Sukhena saggena ca sampayutto”.

24.1“Ahañca kho attano pāpakiriyaṁ,24.2Āvī raho vāpi sare na jātu;24.3Saṅkhātajātīmaraṇohamasmi,24.4Yatheva me idha tathā parattha.

25.1Khādajja maṁ dāni mahānubhāva,25.2Karassu kiccāni imaṁ sarīraṁ;25.3Rukkhassa vā te papatāmi aggā,25.4Chādayamāno mayhaṁ tvamadesi maṁsaṁ”.

26.1PTS 5.32“Idañca te ruccati rājaputta,26.2Cajesi pāṇaṁ pituno pamokkhā;26.3Tasmā hi so tvaṁ taramānarūpo,26.4Sambhañja kaṭṭhāni jalehi aggiṁ”.

27.1Tato have dhitimā rājaputto,27.2Dāruṁ samāhatvā mahantamaggiṁ;27.3Sandīpayitvā paṭivedayittha,27.4“Ādīpito dāni mahāyamaggi”.

28.1PTS 5.33“Khādajja maṁ dāni pasayhakāri,28.2Kiṁ maṁ muhuṁ pekkhasi haṭṭhalomo;28.3Tathā tathā tuyhamahaṁ karomi,28.4Yathā yathā maṁ chādayamāno adesi”.

29.1“Ko tādisaṁ arahati khāditāye,29.2Dhamme ṭhitaṁ saccavādiṁ vadaññuṁ;29.3Muddhāpi tassa viphaleyya sattadhā,29.4Yo tādisaṁ saccavādiṁ adeyya”.

30.1“Idañhi so brāhmaṇaṁ maññamāno,30.2Saso avāsesi sake sarīre;30.3Teneva so candimā devaputto,30.4Sasatthuto kāmaduhajja yakkha”.

31.1PTS 5.34“Cando yathā rāhumukhā pamutto,31.2Virocate pannaraseva bhāṇumā;31.3Evaṁ tuvaṁ porisādā pamutto,31.4Viroca kapile mahānubhāva;31.5Āmodayaṁ pitaraṁ mātarañca,31.6Sabbo ca te nandatu ñātipakkho”.

32.1PTS 5.35Tato have dhitimā rājaputto,32.2Katañjalī pariyāya porisādaṁ;32.3Anuññāto sotthi sukhī arogo,32.4Paccāgamā kapilamalīnasatto.

33.1Taṁ negamā jānapadā ca sabbe,33.2Hatthārohā rathikā pattikā ca;33.3Namassamānā pañjalikā upāgamuṁ,33.4“Namatthu te dukkarakārakosī”ti.

34.1Jayaddisajātakaṁ tatiyaṁ.