1.1PTS 5.40“Kiṁ nu socasinuccaṅgi,1.2paṇḍūsi varavaṇṇini;1.3Milāyasi visālakkhi,1.4mālāva parimadditā”.

2.1“Dohaḷo me mahārāja,2.2supinantenupajjhagā;2.3Na so sulabharūpova,2.4yādiso mama dohaḷo”.

3.1“Ye keci mānusā kāmā,3.2idha lokasmi nandane;3.3Sabbe te pacurā mayhaṁ,3.4ahaṁ te dammi dohaḷaṁ”.

4.1PTS 5.41“Luddā deva samāyantu,4.2ye keci vijite tava;4.3Etesaṁ ahamakkhissaṁ,4.4yādiso mama dohaḷo”.

5.1“Ime te luddakā devi,5.2katahatthā visāradā;5.3Vanaññū ca migaññū ca,5.4mamatthe cattajīvitā”.

6.1“Luddaputtā nisāmetha,6.2yāvantettha samāgatā;6.3Chabbisāṇaṁ gajaṁ setaṁ,6.4addasaṁ supine ahaṁ;6.5Tassa dantehi me attho,6.6alābhe natthi jīvitaṁ”.

7.1PTS 5.42“Na no pitūnaṁ na pitāmahānaṁ,7.2Diṭṭho suto kuñjaro chabbisāṇo;7.3Yamaddasā supine rājaputtī,7.4Akkhāhi no yādiso hatthināgo”.

8.1“Disā catasso vidisā catasso,8.2Uddhaṁ adho dasa disā imāyo;8.3Katamaṁ disaṁ tiṭṭhati nāgarājā,8.4Yamaddasā supine chabbisāṇaṁ”.

9.1“Ito ujuṁ uttariyaṁ disāyaṁ,9.2Atikkamma so sattagirī brahante;9.3Suvaṇṇapasso nāma girī uḷāro,9.4Supupphito kimpurisānuciṇṇo.

10.1PTS 5.43Āruyha selaṁ bhavanaṁ kinnarānaṁ,10.2Olokaya pabbatapādamūlaṁ;10.3Atha dakkhasī meghasamānavaṇṇaṁ,10.4Nigrodharājaṁ aṭṭhasahassapādaṁ.

11.1Tatthacchatī kuñjaro chabbisāṇo,11.2Sabbaseto duppasaho parebhi;11.3Rakkhanti naṁ aṭṭhasahassanāgā,11.4Īsādantā vātajavappahārino.

12.1Tiṭṭhanti te tumūlaṁ passasantā,12.2Kuppanti vātassapi eritassa;12.3Manussabhūtaṁ pana tattha disvā,12.4Bhasmaṁ kareyyuṁ nāssa rajopi tassa”.

13.1PTS 5.44“Bahū hime rājakulamhi santi,13.2Piḷandhanā jātarūpassa devī;13.3Muttā maṇī veḷuriyāmayā ca,13.4Kiṁ kāhasi dantapiḷandhanena;13.5Māretukāmā kuñjaraṁ chabbisāṇaṁ,13.6Udāhu ghātessasi luddaputte”.

14.1“Sā issitā dukkhitā casmi ludda,14.2Uddhañca sussāmi anussarantī;14.3Karohi me luddaka etamatthaṁ,14.4Dassāmi te gāmavarāni pañca”.

15.1“Katthacchatī kattha mupeti ṭhānaṁ,15.2Vīthissa kā nhāna gatassa hoti;15.3Kathañhi so nhāyati nāgarājā,15.4Kathaṁ vijānemu gatiṁ gajassa”.

16.1PTS 5.45“Tattheva sā pokkharaṇī adūre,16.2Rammā sutitthā ca mahodikā ca;16.3Sampupphitā bhamaragaṇānuciṇṇā,16.4Ettha hi so nhāyati nāgarājā.

17.1Sīsaṁ nahātuppalamālabhārī,17.2Sabbaseto puṇḍarīkattacaṅgī;17.3Āmodamāno gacchati sanniketaṁ,17.4Purakkhatvā mahesiṁ sabbabhaddaṁ”.

18.1PTS 5.47Tattheva so uggahetvāna vākyaṁ,18.2Ādāya tūṇiñca dhanuñca luddo;18.3Vituriyati sattagirī brahante,18.4Suvaṇṇapassaṁ nāma giriṁ uḷāraṁ.

19.1Āruyha selaṁ bhavanaṁ kinnarānaṁ,19.2Olokayī pabbatapādamūlaṁ;19.3Tatthaddasā meghasamānavaṇṇaṁ,19.4Nigrodharājaṁ aṭṭhasahassapādaṁ.

20.1PTS 5.48Tatthaddasā kuñjaraṁ chabbisāṇaṁ,20.2Sabbasetaṁ duppasahaṁ parebhi;20.3Rakkhanti naṁ aṭṭhasahassanāgā,20.4Īsādantā vātajavappahārino.

21.1Tatthaddasā pokkharaṇiṁ adūre,21.2Rammaṁ sutitthañca mahodikañca;21.3Sampupphitaṁ bhamaragaṇānuciṇṇaṁ,21.4Yattha hi so nhāyati nāgarājā.

22.1Disvāna nāgassa gatiṁ ṭhitiñca,22.2Vīthissa yā nhānagatassa hoti;22.3Opātamāgacchi anariyarūpo,22.4Payojito cittavasānugāya.

23.1PTS 5.49Khaṇitvāna kāsuṁ phalakehi chādayi,23.2Attānamodhāya dhanuñca luddo;23.3Passāgataṁ puthusallena nāgaṁ,23.4Samappayī dukkaṭakammakārī.

24.1Viddho ca nāgo koñcamanādi ghoraṁ,24.2Sabbe ca nāgā ninnaduṁ ghorarūpaṁ;24.3Tiṇañca kaṭṭhañca raṇaṁ karontā,24.4Dhāviṁsu te aṭṭha disā samantato.

25.1∥Vadhissametanti parāmasanto,25.2Kāsāvamaddakkhi dhajaṁ isīnaṁ;25.3Dukkhena phuṭṭhassudapādi saññā,25.4Arahaddhajo sabbhi avajjharūpo.

26.1PTS 5.50∥“Anikkasāvo kāsāvaṁ,26.2yo vatthaṁ paridahissati;26.3Apeto damasaccena,26.4na so kāsāvamarahati.

27.1∥Yo ca vantakasāvassa,27.2sīlesu susamāhito;27.3Upeto damasaccena,27.4sa ve kāsāvamarahati”.

28.1PTS 5.51Samappito puthusallena nāgo,28.2Aduṭṭhacitto luddakamajjhabhāsi;28.3“Kimatthayaṁ kissa vā samma hetu,28.4Mamaṁ vadhī kassa vāyaṁ payogo”.

29.1“Kāsissa rañño mahesī bhadante,29.2Sā pūjitā rājakule subhaddā;29.3Taṁ addasā sā ca mamaṁ asaṁsi,29.4Dantehi atthoti ca maṁ avoca”.

30.1“Bahū hi me dantayugā uḷārā,30.2Ye me pitūnañca pitāmahānaṁ;30.3Jānāti sā kodhanā rājaputtī,30.4Vadhatthikā veramakāsi bālā.

31.1PTS 5.52Uṭṭhehi tvaṁ ludda kharaṁ gahetvā,31.2Dante ime chinda purā marāmi;31.3Vajjāsi taṁ kodhanaṁ rājaputtiṁ,31.4‘Nāgo hato handa imassa dantā’”.

32.1PTS 5.53Uṭṭhāya so luddo kharaṁ gahetvā,32.2Chetvāna dantāni gajuttamassa;32.3Vaggū subhe appaṭime pathabyā,32.4Ādāya pakkāmi tato hi khippaṁ.

33.1Bhayaṭṭitā nāgavadhena aṭṭā,33.2Ye te nāgā aṭṭha disā vidhāvuṁ;33.3Adisvāna posaṁ gajapaccamittaṁ,33.4Paccāgamuṁ yena so nāgarājā.

34.1PTS 5.54Te tattha kanditvā roditvāna nāgā,34.2Sīse sake paṁsukaṁ okiritvā;34.3Agamaṁsu te sabbe sakaṁ niketaṁ,34.4Purakkhatvā mahesiṁ sabbabhaddaṁ.

35.1Ādāya dantāni gajuttamassa,35.2Vaggū subhe appaṭime pathabyā;35.3Suvaṇṇarājīhi samantamodare,35.4So luddako kāsipuraṁ upāgami;35.5Upanesi so rājakaññāya dante,35.6Nāgo hato handa imassa dantā.

36.1PTS 5.55Disvāna dantāni gajuttamassa,36.2Bhattuppiyassa purimāya jātiyā;36.3Tattheva tassā hadayaṁ aphāli,36.4Teneva sā kālamakāsi bālā.

37.1Sambodhipatto sa mahānubhāvo,37.2Sitaṁ akāsi parisāya majjhe;37.3Pucchiṁsu bhikkhū suvimuttacittā,37.4“Nākāraṇe pātukaronti buddhā.

38.1Yamaddasātha dahariṁ kumāriṁ,38.2Kāsāyavatthaṁ anagāriyaṁ carantiṁ;38.3Sā kho tadā rājakaññā ahosi,38.4Ahaṁ tadā nāgarājā ahosiṁ.

39.1PTS 5.56Ādāya dantāni gajuttamassa,39.2Vaggū subhe appaṭime pathabyā;39.3Yo luddako kāsipuraṁ upāgami,39.4So kho tadā devadatto ahosi”.

40.1Anāvasūraṁ cirarattasaṁsitaṁ,40.2Uccāvacaṁ caritamidaṁ purāṇaṁ;40.3Vītaddaro vītasoko visallo,40.4Sayaṁ abhiññāya abhāsi buddho.

41.1“Ahaṁ vo tena kālena,41.2ahosiṁ tattha bhikkhavo;41.3Nāgarājā tadā homi,41.4evaṁ dhāretha jātakan”ti.

42.1Chaddantajātakaṁ catutthaṁ.