0.45. Mahāsutasomajātaka
1.1PTS 5.460“Kasmā tuvaṁ rasaka edisāni,1.2Karosi kammāni sudāruṇāni;1.3Hanāsi itthī purise ca mūḷho,1.4Maṁsassa hetu adu dhanassa kāraṇā”.
2.1“Na attahetū na dhanassa kāraṇā,2.2Na puttadārassa sahāyañātinaṁ;2.3Bhattā ca me bhagavā bhūmipālo,2.4So khādati maṁsaṁ bhadantedisaṁ”.
3.1PTS 5.461“Sace tuvaṁ bhatturatthe payutto,3.2Karosi kammāni sudāruṇāni;3.3Pātova antepuraṁ pāpuṇitvā,3.4Lapeyyāsi me rājino sammukhe taṁ”.
4.1“Tathā karissāmi ahaṁ bhadante,4.2Yathā tuvaṁ bhāsasi kāḷahatthi;4.3Pātova antepuraṁ pāpuṇitvā,4.4Vakkhāmi te rājino sammukhe taṁ”.
5.1Tato ratyā vivasāne,5.2sūriyuggamanaṁ pati;5.3Kāḷo rasakamādāya,5.4rājānaṁ upasaṅkami;5.5Upasaṅkamma rājānaṁ,5.6idaṁ vacanamabravi.
6.1“Saccaṁ kira mahārāja,6.2rasako pesito tayā;6.3Hanati itthipurise,6.4tuvaṁ maṁsāni khādasi”.
7.1PTS 5.462“Evameva tathā kāḷa,7.2rasako pesito mayā;7.3Mama atthaṁ karontassa,7.4kimetaṁ paribhāsasi”.
8.1PTS 5.464“Ānando sabbamacchānaṁ,8.2khāditvā rasagiddhimā;8.3Parikkhīṇāya parisāya,8.4attānaṁ khādiyā mato.
9.1Evaṁ pamatto rasagārave ratto,9.2Bālo yadī āyati nāvabujjhati;9.3Vidhamma putte caji ñātake ca,9.4Parivattiya attānaññeva khādati.
10.1Idaṁ te sutvāna vigetu chando,10.2Mā bhakkhayī rāja manussamaṁsaṁ;10.3Mā tvaṁ imaṁ kevalaṁ vārijova,10.4Dvipadādhipa suññamakāsi raṭṭhaṁ”.
11.1PTS 5.465“Sujāto nāma nāmena,11.2oraso tassa atrajo;11.3Jambupesimaladdhāna,11.4mato so tassa saṅkhaye.
12.1Evameva ahaṁ kāḷa,12.2bhutvā bhakkhaṁ rasuttamaṁ;12.3Aladdhā mānusaṁ maṁsaṁ,12.4maññe hissāmi jīvitaṁ”.
13.1PTS 5.467“Māṇava abhirūposi,13.2kule jātosi sotthiye;13.3Na tvaṁ arahasi tāta,13.4abhakkhaṁ bhakkhayetave”.
14.1“Rasānaṁ aññataraṁ etaṁ,14.2kasmā maṁ tvaṁ nivāraye;14.3Sohaṁ tattha gamissāmi,14.4yattha lacchāmi edisaṁ.
15.1Sovāhaṁ nippatissāmi,15.2na te vacchāmi santike;15.3Yassa me dassanena tvaṁ,15.4nābhinandasi brāhmaṇa”.
16.1PTS 5.468“Addhā aññepi dāyāde,16.2putte lacchāma māṇava;16.3Tvañca jamma vinassassu,16.4yattha pattaṁ na taṁ suṇe”.
17.1“Evameva tuvaṁ rāja,17.2dvipadinda suṇohi me;17.3Pabbājessanti taṁ raṭṭhā,17.4soṇḍaṁ māṇavakaṁ yathā”.
18.1“Sujāto nāma nāmena,18.2bhāvitattāna sāvako;18.3Accharaṁ kāmayantova,18.4na so bhuñji na so pivi.
19.1Kusaggenudakamādāya,19.2samudde udakaṁ mine;19.3Evaṁ mānusakā kāmā,19.4dibbakāmāna santike.
20.1Evameva ahaṁ kāḷa,20.2bhutvā bhakkhaṁ rasuttamaṁ;20.3Aladdhā mānusaṁ maṁsaṁ,20.4maññe hissāmi jīvitaṁ”.
21.1PTS 5.469“Yathāpi te dhataraṭṭhā,21.2haṁsā vehāyasaṅgamā;21.3Abhuttaparibhogena,21.4sabbe abbhatthataṁ gatā.
22.1Evameva tuvaṁ rāja,22.2dvipadinda suṇohi me;22.3Abhakkhaṁ rāja bhakkhesi,22.4tasmā pabbājayanti taṁ”.
23.1PTS 5.475“Tiṭṭhāhīti mayā vutto,23.2So tvaṁ gacchasi pammukho;23.3Aṭṭhito tvaṁ ṭhitomhīti,23.4Lapasi brahmacārini;23.5Idaṁ te samaṇāyuttaṁ,23.6Asiñca me maññasi kaṅkapattaṁ”.
24.1“Ṭhitohamasmī sadhammesu rāja,24.2Na nāmagottaṁ parivattayāmi;24.3Corañca loke aṭhitaṁ vadanti,24.4Āpāyikaṁ nerayikaṁ ito cutaṁ.
25.1Sace tvaṁ saddahasi rāja,25.2sutaṁ gaṇhāhi khattiya;25.3Tena yaññaṁ yajitvāna,25.4evaṁ saggaṁ gamissasi”.
26.1PTS 5.476PTS 5.477“Kismiṁ nu raṭṭhe tava jātibhūmi,26.2Atha kena atthena idhānupatto;26.3Akkhāhi me brāhmaṇa etamatthaṁ,26.4Kimicchasī demi tayajja patthitaṁ”.
27.1“Gāthā catasso dharaṇīmahissara,27.2Sugambhiratthā varasāgarūpamā;27.3Taveva atthāya idhāgatosmi,27.4Suṇohi gāthā paramatthasaṁhitā”.
28.1PTS 5.478“Na ve rudanti matimanto sapaññā,28.2Bahussutā ye bahuṭhānacintino;28.3Dīpañhi etaṁ paramaṁ narānaṁ,28.4Yaṁ paṇḍitā sokanudā bhavanti.
29.1PTS 5.479Attānaṁ ñātī udāhu puttadāraṁ,29.2Dhaññaṁ dhanaṁ rajataṁ jātarūpaṁ;29.3Kimeva tvaṁ sutasomānutappe,29.4Korabyaseṭṭha vacanaṁ suṇoma tetaṁ”.
30.1“Nevāhamattānamanutthunāmi,30.2Na puttadāraṁ na dhanaṁ na raṭṭhaṁ;30.3Satañca dhammo carito purāṇo,30.4Taṁ saṅkaraṁ brāhmaṇassānutappe.
31.1Kato mayā saṅkaro brāhmaṇena,31.2Raṭṭhe sake issariye ṭhitena;31.3Taṁ saṅkaraṁ brāhmaṇasappadāya,31.4Saccānurakkhī punarāvajissaṁ”.
32.1“Nevāhametaṁ abhisaddahāmi,32.2Sukhī naro maccumukhā pamutto;32.3Amittahatthaṁ punarāvajeyya,32.4Korabyaseṭṭha na hi maṁ upesi.
33.1PTS 5.480Mutto tuvaṁ porisādassa hatthā,33.2Gantvā sakaṁ mandiraṁ kāmakāmī;33.3Madhuraṁ piyaṁ jīvitaṁ laddha rāja,33.4Kuto tuvaṁ ehisi me sakāsaṁ”.
34.1“Mataṁ vareyya parisuddhasīlo,34.2Na jīvitaṁ garahito pāpadhammo;34.3Na hi taṁ naraṁ tāyati duggatīhi,34.4Yassāpi hetu alikaṁ bhaṇeyya.
35.1Sacepi vāto girimāvaheyya,35.2Cando ca suriyo ca chamā pateyyuṁ;35.3Sabbā ca najjo paṭisotaṁ vajeyyuṁ,35.4Na tvevahaṁ rāja musā bhaṇeyyaṁ.
36.1Nabhaṁ phaleyya udadhīpi susse,36.2Saṁvaṭṭaye bhūtadharā vasundharā;36.3Siluccayo meru samūlamuppate,36.4Na tvevahaṁ rāja musā bhaṇeyyaṁ.
37.1PTS 5.481Asiñca sattiñca parāmasāmi,37.2Sapathampi te samma ahaṁ karomi;37.3Tayā pamutto anaṇo bhavitvā,37.4Saccānurakkhī punarāvajissaṁ”.
38.1“Yo te kato saṅgaro brāhmaṇena,38.2Raṭṭhe sake issariye ṭhitena;38.3Taṁ saṅgaraṁ brāhmaṇasappadāya,38.4Saccānurakkhī punarāvajassu”.
39.1“Yo me kato saṅgaro brāhmaṇena,39.2Raṭṭhe sake issariye ṭhitena;39.3Taṁ saṅgaraṁ brāhmaṇasappadāya,39.4Saccānurakkhī punarāvajissaṁ”.
40.1PTS 5.482PTS 5.483Mutto ca so porisādassa hatthā,40.2Gantvāna taṁ brāhmaṇaṁ etadavoca;40.3“Suṇoma gāthāyo satārahāyo,40.4Yā me sutā assu hitāya brahme”.
41.1“Sakideva sutasoma,41.2sabbhi hoti samāgamo;41.3Sā naṁ saṅgati pāleti,41.4nāsabbhi bahu saṅgamo.
42.1Sabbhireva samāsetha,42.2sabbhi kubbetha santhavaṁ;42.3Sataṁ saddhammamaññāya,42.4seyyo hoti na pāpiyo.
43.1Jīranti ve rājarathā sucittā,43.2Atho sarīrampi jaraṁ upeti;43.3Satañca dhammo na jaraṁ upeti,43.4Santo have sabbhi pavedayanti.
44.1Nabhañca dūre pathavī ca dūre,44.2Pāraṁ samuddassa tadāhu dūre;44.3Tato have dūrataraṁ vadanti,44.4Satañca dhammo asatañca rāja”.
45.1PTS 5.484“Sahassiyā imā gāthā,45.2nahimā gāthā satārahā;45.3Cattāri tvaṁ sahassāni,45.4khippaṁ gaṇhāhi brāhmaṇa”.
46.1PTS 5.485“Āsītiyā nāvutiyā ca gāthā,46.2Satārahā cāpi bhaveyya gāthā;46.3Paccattameva sutasoma jānahi,46.4Sahassiyā nāma kā atthi gāthā”.
47.1“Icchāmi vohaṁ sutavuddhimattano,47.2Santoti maṁ sappurisā bhajeyyuṁ;47.3Ahaṁ savantīhi mahodadhīva,47.4Na hi tāta tappāmi subhāsitena.
48.1Aggi yathā tiṇakaṭṭhaṁ dahanto,48.2Na tappatī sāgarova nadīhi;48.3Evampi te paṇḍitā rājaseṭṭha,48.4Sutvā na tappanti subhāsitena.
49.1PTS 5.486Sakassa dāsassa yadā suṇomi,49.2Gāthaṁ ahaṁ atthavatiṁ janinda;49.3Tameva sakkacca nisāmayāmi,49.4Na hi tāta dhammesu mamatthi titti.
50.1Idaṁ te raṭṭhaṁ sadhanaṁ sayoggaṁ,50.2Sakāyuraṁ sabbakāmūpapannaṁ;50.3Kiṁ kāmahetu paribhāsasi maṁ,50.4Gacchāmahaṁ porisādassa ñatte”.
51.1“Attānurakkhāya bhavanti hete,51.2Hatthārohā rathikā pattikā ca;51.3Assāruhā ye ca dhanuggahāse,51.4Senaṁ payuñjāma hanāma sattuṁ”.
52.1PTS 5.487“Sudukkaraṁ porisādo akāsi,52.2Jīvaṁ gahetvāna avassajī maṁ;52.3Taṁ tādisaṁ pubbakiccaṁ saranto,52.4Dubbhe ahaṁ tassa kathaṁ janinda”.
53.1Vanditvā so pitaraṁ mātarañca,53.2Anusāsetvā negamañca balañca;53.3Saccavādī saccānurakkhamāno,53.4Agamāsi so yattha porisādo.
54.1PTS 5.488“Kato mayā saṅgaro brāhmaṇena,54.2Raṭṭhe sake issariye ṭhitena;54.3Taṁ saṅgaraṁ brāhmaṇasappadāya,54.4Saccānurakkhī punarāgatosmi;54.5Yajassu yaññaṁ khāda maṁ porisāda”.
55.1“Na hāyate khāditaṁ mayhaṁ pacchā,55.2Citakā ayaṁ tāva sadhūmikāva;55.3Niddhūmake pacitaṁ sādhupakkaṁ,55.4Suṇoma gāthāyo satārahāyo”.
56.1PTS 5.489“Adhammiko tvaṁ porisādakāsi,56.2Raṭṭhā ca bhaṭṭho udarassa hetu;56.3Dhammañcimā abhivadanti gāthā,56.4Dhammo ca adhammo ca kuhiṁ sameti.
57.1Adhammikassa luddassa,57.2niccaṁ lohitapāṇino;57.3Natthi saccaṁ kuto dhammo,57.4kiṁ sutena karissasi”.
58.1“Yo maṁsahetu migavaṁ careyya,58.2Yo vā hane purisamattahetu;58.3Ubhopi te pecca samā bhavanti,58.4Kasmā no adhammikaṁ brūsi maṁ tvaṁ”.
59.1“Pañca pañca na khā bhakkhā,59.2khattiyena pajānatā;59.3Abhakkhaṁ rāja bhakkhesi,59.4tasmā adhammiko tuvaṁ”.
60.1PTS 5.490“Mutto tuvaṁ porisādassa hatthā,60.2Gantvā sakaṁ mandiraṁ kāmakāmī;60.3Amittahatthaṁ punarāgatosi,60.4Na khattadhamme kusalosi rāja”.
61.1“Ye khattadhamme kusalā bhavanti,61.2Pāyena te nerayikā bhavanti;61.3Tasmā ahaṁ khattadhammaṁ pahāya,61.4Saccānurakkhī punarāgatosmi;61.5Yajassu yaññaṁ khāda maṁ porisāda”.
62.1“Pāsādavāsā pathavīgavāssā,62.2Kāmitthiyo kāsikacandanañca;62.3Sabbaṁ tahiṁ labhasi sāmitāya,62.4Saccena kiṁ passasi ānisaṁsaṁ”.
63.1PTS 5.491“Ye kecime atthi rasā pathabyā,63.2Saccaṁ tesaṁ sādhutaraṁ rasānaṁ;63.3Sacce ṭhitā samaṇabrāhmaṇā ca,63.4Taranti jātimaraṇassa pāraṁ”.
64.1“Mutto tuvaṁ porisādassa hatthā,64.2Gantvā sakaṁ mandiraṁ kāmakāmī;64.3Amittahatthaṁ punarāgatosi,64.4Na hi nūna te maraṇabhayaṁ janinda;64.5Alīnacitto asi saccavādī”.
65.1“Katā me kalyāṇā anekarūpā,65.2Yaññā yiṭṭhā ye vipulā pasatthā;65.3Visodhito paralokassa maggo,65.4Dhamme ṭhito ko maraṇassa bhāye.
66.1PTS 5.492Katā me kalyāṇā anekarūpā,66.2Yaññā yiṭṭhā ye vipulā pasatthā;66.3Anānutappaṁ paralokaṁ gamissaṁ,66.4Yajassu yaññaṁ ada maṁ porisāda.
67.1Pitā ca mātā ca upaṭṭhitā me,67.2Dhammena me issariyaṁ pasatthaṁ;67.3Visodhito paralokassa maggo,67.4Dhamme ṭhito ko maraṇassa bhāye.
68.1Pitā ca mātā ca upaṭṭhitā me,68.2Dhammena me issariyaṁ pasatthaṁ;68.3Anānutappaṁ paralokaṁ gamissaṁ,68.4Yajassu yaññaṁ ada maṁ porisāda.
69.1Ñātīsu mittesu katā me kārā,69.2Dhammena me issariyaṁ pasatthaṁ;69.3Visodhito paralokassa maggo,69.4Dhamme ṭhito ko maraṇassa bhāye.
70.1Ñātīsu mittesu katā me kārā,70.2Dhammena me issariyaṁ pasatthaṁ;70.3Anānutappaṁ paralokaṁ gamissaṁ,70.4Yajassu yaññaṁ ada maṁ porisāda.
71.1Dinnaṁ me dānaṁ bahudhā bahūnaṁ,71.2Santappitā samaṇabrāhmaṇā ca;71.3Visodhito paralokassa maggo,71.4Dhamme ṭhito ko maraṇassa bhāye.
72.1Dinnaṁ me dānaṁ bahudhā bahūnaṁ,72.2Santappitā samaṇabrāhmaṇā ca;72.3Anānutappaṁ paralokaṁ gamissaṁ,72.4Yajassu yaññaṁ ada maṁ porisāda”.
73.1PTS 5.493“Visaṁ pajānaṁ puriso adeyya,73.2Āsīvisaṁ jalitamuggatejaṁ;73.3Muddhāpi tassa viphaleyya sattadhā,73.4Yo tādisaṁ saccavādiṁ adeyya.
74.1Sutvā dhammaṁ vijānanti,74.2Narā kalyāṇapāpakaṁ;74.3Api gāthā suṇitvāna,74.4Dhamme me ramate mano”.
75.1PTS 5.494“Sakideva mahārāja,75.2sabbhi hoti samāgamo;75.3Sā naṁ saṅgati pāleti,75.4nāsabbhi bahu saṅgamo.
76.1Sabbhireva samāsetha,76.2sabbhi kubbetha santhavaṁ;76.3Sataṁ saddhammamaññāya,76.4seyyo hoti na pāpiyo.
77.1Jīranti ve rājarathā sucittā,77.2Atho sarīrampi jaraṁ upeti;77.3Satañca dhammo na jaraṁ upeti,77.4Santo have sabbhi pavedayanti.
78.1Nabhañca dūre pathavī ca dūre,78.2Pāraṁ samuddassa tadāhu dūre;78.3Tato have dūrataraṁ vadanti,78.4Satañca dhammo asatañca rāja”.
79.1“Gāthā imā atthavatī subyañjanā,79.2Subhāsitā tuyha janinda sutvā;79.3Ānandi vitto sumano patīto,79.4Cattāri te samma vare dadāmi”.
80.1PTS 5.495“Yo nattano maraṇaṁ bujjhasi tuvaṁ,80.2Hitāhitaṁ vinipātañca saggaṁ;80.3Giddho rase duccarite niviṭṭho,80.4Kiṁ tvaṁ varaṁ dassasi pāpadhamma.
81.1Ahañca taṁ dehi varanti vajjaṁ,81.2Tvañcāpi datvāna avākareyya;81.3Sandiṭṭhikaṁ kalahamimaṁ vivādaṁ,81.4Ko paṇḍito jānamupabbajeyya”.
82.1“Na taṁ varaṁ arahati jantu dātuṁ,82.2Yaṁ vāpi datvāna avākareyya;82.3Varassu samma avikampamāno,82.4Pāṇaṁ cajitvānapi dassameva”.
83.1“Ariyassa ariyena sameti sakhyaṁ,83.2Paññassa paññāṇavatā sameti;83.3Passeyya taṁ vassasataṁ arogaṁ,83.4Etaṁ varānaṁ paṭhamaṁ varāmi”.
84.1PTS 5.496“Ariyassa ariyena sameti sakhyaṁ,84.2Paññassa paññāṇavatā sameti;84.3Passāsi maṁ vassasataṁ arogaṁ,84.4Etaṁ varānaṁ paṭhamaṁ dadāmi”.
85.1“Ye khattiyāse idha bhūmipālā,85.2Muddhābhisittā katanāmadheyyā;85.3Na tādise bhūmipatī adesi,85.4Etaṁ varānaṁ dutiyaṁ varāmi”.
86.1“Ye khattiyāse idha bhūmipālā,86.2Muddhābhisittā katanāmadheyyā;86.3Na tādise bhūmipatī ademi,86.4Etaṁ varānaṁ dutiyaṁ dadāmi”.
87.1PTS 5.497“Parosataṁ khattiyā te gahitā,87.2Talāvutā assumukhā rudantā;87.3Sake te raṭṭhe paṭipādayāhi,87.4Etaṁ varānaṁ tatiyaṁ varāmi”.
88.1“Parosataṁ khattiyā me gahitā,88.2Talāvutā assumukhā rudantā;88.3Sake te raṭṭhe paṭipādayāmi,88.4Etaṁ varānaṁ tatiyaṁ dadāmi”.
89.1“Chiddaṁ te raṭṭhaṁ byathitā bhayā hi,89.2Puthū narā leṇamanuppaviṭṭhā;89.3Manussamaṁsaṁ viramehi rāja,89.4Etaṁ varānaṁ catutthaṁ varāmi”.
90.1PTS 5.498“Addhā hi so bhakkho mama manāpo,90.2Etassa hetumhi vanaṁ paviṭṭho;90.3Sohaṁ kathaṁ etto upārameyyaṁ,90.4Aññaṁ varānaṁ catutthaṁ varassu”.
91.1“Na ve piyaṁ meti janinda tādiso,91.2Attaṁ niraṅkacca piyāni sevati;91.3Attāva seyyo paramā ca seyyo,91.4Labbhā piyā ocitatthena pacchā”.
92.1PTS 5.499“Piyaṁ me mānusaṁ maṁsaṁ,92.2Sutasoma vijānahi;92.3Namhi sakkā nivāretuṁ,92.4Aññaṁ varaṁ samma varassu”.
93.1“Yo ve piyaṁ meti piyānurakkhī,93.2Attaṁ niraṅkacca piyāni sevati;93.3Soṇḍova pitvā visamissapānaṁ,93.4Teneva so hoti dukkhī parattha.
94.1Yo cīdha saṅkhāya piyāni hitvā,94.2Kicchenapi sevati ariyadhamme;94.3Dukkhitova pitvāna yathosadhāni,94.4Teneva so hoti sukhī parattha”.
95.1“Ohāyahaṁ pitaraṁ mātarañca,95.2Manāpiye kāmaguṇe ca pañca;95.3Etassa hetumhi vanaṁ paviṭṭho,95.4Taṁ te varaṁ kinti mahaṁ dadāmi”.
96.1PTS 5.500“Na paṇḍitā diguṇamāhu vākyaṁ,96.2Saccappaṭiññāva bhavanti santo;96.3Varassu samma iti maṁ avoca,96.4Iccabravī tvaṁ na hi te sameti”.
97.1“Apuññalābhaṁ ayasaṁ akittiṁ,97.2Pāpaṁ bahuṁ duccaritaṁ kilesaṁ;97.3Manussamaṁsassa kate upāgā,97.4Taṁ te varaṁ kinti mahaṁ dadeyyaṁ”.
98.1“Na taṁ varaṁ arahati jantu dātuṁ,98.2Yaṁ vāpi datvāna avākareyya;98.3Varassu samma avikampamāno,98.4Pāṇaṁ cajitvānapi dassameva.
99.1Pāṇaṁ cajanti santo nāpi dhammaṁ,99.2Saccappaṭiññāva bhavanti santo;99.3Datvā varaṁ khippamavākarohi,99.4Etena sampajja surājaseṭṭha.
100.1PTS 5.501Caje dhanaṁ aṅgavarassa hetu,100.2Aṅgaṁ caje jīvitaṁ rakkhamāno;100.3Aṅgaṁ dhanaṁ jīvitañcāpi sabbaṁ,100.4Caje naro dhammamanussaranto.
101.1Yasmā hi dhammaṁ puriso vijaññā,101.2Ye cassa kaṅkhaṁ vinayanti santo;101.3Taṁ hissa dīpañca parāyaṇañca,101.4Na tena mittiṁ jirayetha pañño”.
102.1PTS 5.502“Addhā hi so bhakkho mama manāpo,102.2Etassa hetumhi vanaṁ paviṭṭho;102.3Sace ca maṁ yācasi etamatthaṁ,102.4Etampi te samma varaṁ dadāmi.
103.1PTS 5.503Satthā ca me hosi sakhā ca mesi,103.2Vacanampi te samma ahaṁ akāsiṁ;103.3Tuvampi me samma karohi vākyaṁ,103.4Ubhopi gantvāna pamocayāma”.
104.1“Satthā ca te homi sakhā ca tyamhi,104.2Vacanampi me samma tuvaṁ akāsi;104.3Ahampi te samma karomi vākyaṁ,104.4Ubhopi gantvāna pamocayāma”.
105.1“Kammāsapādena viheṭhitattha,105.2Talāvutā assumukhā rudantā;105.3Na jātu dubbhetha imassa rañño,105.4Saccappaṭiññaṁ me paṭissuṇātha”.
106.1“Kammāsapādena viheṭhitamhā,106.2Talāvutā assumukhā rudantā;106.3Na jātu dubbhema imassa rañño,106.4Saccappaṭiññaṁ te paṭissuṇāma”.
107.1PTS 5.504“Yathā pitā vā atha vāpi mātā,107.2Anukampakā atthakāmā pajānaṁ;107.3Evameva vo hotu ayañca rājā,107.4Tumhe ca vo hotha yatheva puttā”.
108.1“Yathā pitā vā atha vāpi mātā,108.2Anukampakā atthakāmā pajānaṁ;108.3Evameva no hotu ayañca rājā,108.4Mayampi hessāma yatheva puttā”.
109.1PTS 5.505“Catuppadaṁ sakuṇañcāpi maṁsaṁ,109.2Sūdehi randhaṁ sukataṁ suniṭṭhitaṁ;109.3Sudhaṁva indo paribhuñjiyāna,109.4Hitvā katheko ramasī araññe.
110.1PTS 5.506Tā khattiyā vallivilākamajjhā,110.2Alaṅkatā samparivārayitvā;110.3Indaṁva devesu pamodayiṁsu,110.4Hitvā katheko ramasī araññe.
111.1Tambūpadhāne bahugoṇakamhi,111.2Subhamhi sabbassayanamhi saṅge;111.3Seyyassa majjhamhi sukhaṁ sayitvā,111.4Hitvā katheko ramasī araññe.
112.1Pāṇissaraṁ kumbhathūṇaṁ nisīthe,112.2Athopi ve nippurisampi tūriyaṁ;112.3Bahuṁ sugītañca suvāditañca,112.4Hitvā katheko ramasī araññe.
113.1Uyyānasampannaṁ pahūtamālyaṁ,113.2Migājinūpetapuraṁ surammaṁ;113.3Hayehi nāgehi rathehupetaṁ,113.4Hitvā katheko ramasī araññe”.
114.1PTS 5.507“Kāḷapakkhe yathā cando,114.2hāyateva suve suve;114.3Kāḷapakkhūpamo rāja,114.4asataṁ hoti samāgamo.
115.1Yathāhaṁ rasakamāgamma,115.2sūdaṁ kāpurisādhamaṁ;115.3Akāsiṁ pāpakaṁ kammaṁ,115.4yena gacchāmi duggatiṁ.
116.1Sukkapakkhe yathā cando,116.2vaḍḍhateva suve suve;116.3Sukkapakkhūpamo rāja,116.4sataṁ hoti samāgamo.
117.1Yathāhaṁ tuvamāgamma,117.2sutasoma vijānahi;117.3Kāhāmi kusalaṁ kammaṁ,117.4yena gacchāmi suggatiṁ.
118.1PTS 5.508Thale yathā vāri janinda vuṭṭhaṁ,118.2Anaddhaneyyaṁ na ciraṭṭhitīkaṁ;118.3Evampi hoti asataṁ samāgamo,118.4Anaddhaneyyo udakaṁ thaleva.
119.1Sare yathā vāri janinda vuṭṭhaṁ,119.2Ciraṭṭhitīkaṁ naravīraseṭṭha;119.3Evampi ve hoti sataṁ samāgamo,119.4Ciraṭṭhitīko udakaṁ sareva.
120.1Abyāyiko hoti sataṁ samāgamo,120.2Yāvampi tiṭṭheyya tatheva hoti;120.3Khippañhi veti asataṁ samāgamo,120.4Tasmā sataṁ dhammo asabbhi ārakā”.
121.1PTS 5.509“Na so rājā yo ajeyyaṁ jināti,121.2Na so sakhā yo sakhāraṁ jināti;121.3Na sā bhariyā yā patino na vibheti,121.4Na te puttā ye na bharanti jiṇṇaṁ.
122.1Na sā sabhā yattha na santi santo,122.2Na te santo ye na bhaṇanti dhammaṁ;122.3Rāgañca dosañca pahāya mohaṁ,122.4Dhammaṁ bhaṇantāva bhavanti santo.
123.1Nābhāsamānaṁ jānanti,123.2missaṁ bālehi paṇḍitaṁ;123.3Bhāsamānañca jānanti,123.4desentaṁ amataṁ padaṁ.
124.1Bhāsaye jotaye dhammaṁ,124.2Paggaṇhe isinaṁ dhajaṁ;124.3Subhāsitaddhajā isayo,124.4Dhammo hi isinaṁ dhajo”ti.
125.1Mahāsutasomajātakaṁ pañcamaṁ.
126.1Asītinipātaṁ niṭṭhitaṁ.
127.1Tassuddānaṁ
128.1Sumukho pana haṁsavaro ca mahā,128.2Sudhabhojaniko ca paro pavaro;128.3Sakuṇāladijādhipativhayano,128.4Sutasomavaruttamasavhayanoti.